Pavlodar oblysyna jumys sapary barysynda QR Premer-Mınıstri Baqytjan Saǵyntaev temirjol biligi men qos dóńgelek shyǵaratyn «R.W.S. Wheelset» JSHS zaýyty men jyldamdyqty jyljymaly quramdar úshin baǵyttamalyq burmalar men temirjol dóńgelekterin shyǵarýmen aınalysatyn «Prommashkomplekt» JSHS-ne bardy dep jazady Qamshy.kz aqparat agenttigi QR Premer-mınıstrdiń baspasóz qyzmetine silteme jasap.
«R.W.S. Wheelset» JSHS dırektory A. Slobodov joǵary tehnologıalyq óńdeýshi jáne ólsheý jabdyǵy kesheniniń, óndiristik úderisterdi avtomattandyrý men qozǵalys júıeleriniń jumystary týraly baıandady.
«R.W.S. Wheelset» óndiristik qýattylyǵy jylyna 10 myń qos dóńgelek pen 32 myń temirjol biligin quraıdy. Kásiporynda jańǵyrtý 3.0 baǵdarlamasyn iske asyrý aıasynda osynda shyǵarylatyn qos dóńgelek pen taza bilikterdiń nomenklatýrasyn ulǵaıtý kózdelip otyr.
«QTJ» UK» AQ prezıdenti Q. Alpysbaev «R.W.S. Wheelset» JSHS-nyń suranysqa ıe ónimderi týraly baıandady. Ol «QTJ» UK» AQ men respýblıkanyń vagon jóndeý kásiporyndaryn ınovasıalyq tehnologıalar boıynsha shyǵarylǵan, júk vagondaryna arnalǵan temirjol bilikteri men qos dóńgelektermen qamtamasyz etedi.
Osyǵan oraı, «QTJ» UK» AQ temirjol bilikteri men qos dóńgelekterdi 2020 jylǵa deıin jetkizý boıynsha uzaqmerzimdi kelisimshartqa qol qoıý týraly hattamalyq sheshim qabyldady.
«Prommashkomplekt» zaýytynyń dırektory A. Hachatýrán óndiristi qarqyndatý, eńbek ónimdiligi men ónimniń básekege qabilettiligin arttyrý boıynsha qabyldanyp jatqan sharalar týraly málimdedi.
«Prommashkomplekt» Jańǵyrtý 3.0 aıasynda 2018 jyldyń basynda jańa qýattylyqtardy iske qosýdy josparlap otyr. Dóńgelek óndirisin jańǵyrtý qosymsha 400 jumys ornyn ashýdy kózdeıdi.
