Qazaqstan Prezıdenti Nursultan Nazarbaev Ram Nath Kovındke Úndistan Respýblıkasynyń Prezıdenti bolyp saılanýyna baılanysty quttyqtaý jedelhatyn joldady, - dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.
Memleket basshysy barsha Qazaqstan halqynyń jáne jeke óziniń atynan jańadan saılanǵan Úndistan Respýblıkasynyń Prezıdentin quttyqtady.
"Biz halyqtarymyzdyń ósip-órkendeýi jolynda dostyq qarym-qatynasymyz ben tyǵyz yntymaqtastyǵymyzdy nyǵaıtý úshin bar kúsh-jigerimizdi jumyldyratynymyzǵa senimdimin. Sizge zor densaýlyq, jaýapty qyzmetińizge tabys, al dostas Úndistan halqyna beıbitshilik pen baq-bereke tileımin", - delingen jedelhatta.
