Qytaı eli «Aıbarly jolbarys» ataǵan Jumabek erejesiz tóbelesten 25 ret aqtyq shaıqasqa qatysyp, bárinde jeńiske jetken. Tek Qytaı «myqtylaryn» ǵana emes Taıland, Ońtústik Afrıka, Reseı elderiniń de sport sheberlerin tize búktirgen. Ol týraly qytaı jýrnalıseri bylaı dep jazady: « Ol dene bitimi kishkene bolǵanymen, naǵyz kúshtiń ıesi. Kóp kezdesýlerde ózinen áldeqaıda deneli qarsylastaryn tize búktirgen. Jumabek qazaqtyń baıaǵy batyrlaryndaı saıys alańyna shyqqanda kókjal qasqyrdy elestetedi. Ol boks pen kúres tehnıkasyn jetik meńgergen, sondaı-aq tek qara kúshtiń ǵana emes keremet sheberliktiń de ıesi». El aǵalaryna qulaqqaǵys: Jeńis tórinde jebesin tartyp, "Qara jorǵasyn" taıpaltyp júrgen Jumabektiń atajurtqa oralýyna jumys jasaýǵa tıispiz. Egesi joq er emes, eli bar.