2017 jyldyń 21 shilde «URALSK JOB FAIR - 2017» atty jastarǵa arnalǵan bos jumys oryndary jármeńkesi ótkizildi.
Sharanyń maqsaty - jastardyń jumysqa ornalastyrý múmkindikterin keńeıtý, jumyssyz jastardy jumysqa ornalastyrý, jastarǵa memlekettik baǵdarlamalar, halyqaralyq jáne memlekettik bilim berý baǵdarlamalary týraly aqparattandyrý.
Jármeńkege oblystaǵy "Steklo-Servıs" JSHS, "Gıdroprıbor", "ZapKazRek" AQ sıaqty iri óndiris oshaqtary men kásiporyndary, Oral qalasy men aýdandyq memlekettik mekemelerinen quralǵan barlyǵy 100-ge jýyq jumys berýshi qatysyp, 1800-ge jýyq bos jumys oryndaryn usyndy. Jármeńke barysynda barlyǵy 700-nan asa jas óz túıindemelerin tapsyrdy.
Sonymen qatar, jármeńke barysynda "100 naqty qadam" Ult josparynyń birinshi baǵyty - kásibı memlekettik apparat qurý reformasyn júzege asyrý maqsatynda jastarǵa memlekettik qyzmetke qalaı ornalasýǵa bolatyndyǵyn, konkýrsqa túsi tártibi, testileýden ótý jáne t.b. máseleler boıynsha aqparat usynyldy.
QR Prezıdenti janyndaǵy memlekettik basqarý akademıasyna qabyldaý boıynsha semınar ótkizilip, Nazarbaev ýnıversıtetiniń ókili ýnıversıtetke túsý múmkindikteri boıynsha aqparat berdi.
Sondaı-aq, jas mamandarǵa keńester túıindeme toltyrý, suhbattan ótý jáne t.b. máseleler boıynsha keńes berilip, "Atameken" ulttyq kásipkerler palatasynyń BQO boıynsha fılıalynyń ókilderiiniń jastarǵa óz kásibin ashý boıynsha ótkizgen trenıńterine 100-ge jýyq jas qatysty.
BQO jastar saıasaty máseleleri basqarmasynyń basshysy A.Sakoshev:
Búgingi uıymdastyrylyp otyrǵan bos jumys oryndary jármeńkesi jastardy bos júrmeı, jumysqa ornalastyrýǵa, sondaı-aq, óz kásibin ashqysy keletin nemese memlekettik qyzmetke túskisi keletin jastarǵa, onyń ishinde bıylǵy jyly joǵary oqý oryndaryn, kásibı tehnıkalyq bilim berý uıymdaryn aıaqtaǵan jastarǵa aqparat berý, baǵyt berý maqsatynda ótkizilip jatyr. 2016-2017 oqý jylynda oblys boıynsha joǵary oqý oryndaryn 7478 túlek aıaqtap otyr. Onyń 4000-ǵa jýyǵy kúndizgi bólim stýdentteri. Aldaǵy ýaqytta, osy túlekterimizdiń basqa da jumyssyz júrgen jastarymyzdyń jumysqa ornalasýy boıynsha monıtorıń júrgizilip, olardy jumyspen qamtý sharalary kúsheıtiletin bolady.
