«EKSPO-2017» halyqaralyq kórmesi kezinde qonaq úıler men tamaqtaný oryndarynan túsken salyq 2,6 ese kóbeıgen. Sonymen qatar bazarlar, saýda oryndary, oıyn-saýyq ortalyqtaryn aralaýshylar eki esege artqan, dep habarlaıdy Qamshy.kz aqparat agenttigi Astana medıa ortalyǵyna silteme jasap.

Máselen, maýsym aıynda qonaq úı, meıramhana jáne ózge de tamaqtaný oryndarynan 142,2 mln. teńge jınalypty.

«Bul ótken jyldyń osy kezeńimen salystyrǵanda 2,6 ese nemese 89 mln. teńgege artyq (2016 jyly maýsymda 53,3 mln. teńge salyq alynǵan)», — deıdi «Astana Konvenshn Búro» JSHS dırektory Sanıar Áıtekenov.

Onyń sózin jalǵastyrsaq, kórme ashylǵannan keıin saýda, oıyn-saýyq oryndaryna kelýshiler 19 myńnan 30 myńǵa jetken. Bul ótken jylmen salystyrǵanda eki ese kóp degen sóz.

Qazirgi ýaqytta qalada 9 saýda, oıyn-saýyq ortalyǵy bar. Bazarlardaǵy saýda-sattyq ta eki ese ulǵaıǵan. Máselen, «Sharyn» bazaryndaǵy saýda 30%-dan 60%, «Shapaǵat» saýda ortalyǵyndaǵy saýda 40%-dan 80% jetken. Barlyq bazarlardaǵy tutynýshylar ótken jyldyń dál osy kezeńimen salystyrǵanda 2-2,5 ese kóp.

Sáýir aıynan bastap osy kúnge deıin Astanada 26 óńirlik aýyl sharýashlyǵy jármeńkesi ótti. Onda 10,6 myń tonna azyq-túlik satylǵan. Onyń 3,2 myń myń tonnasy jemis-jıdek.

Eske salsaq, qazirge deıin eldiń óńirlerinen jáne alys-jaqyn shetelderden EXPO-ǵa mıllıonnan astam qonaq keldi. EXPO — 2017 Astana ulttyq kórmesin tolyqtaı aralap shyǵý úshin árbir qonaqqa keminde 4 kún ýaqyt qajet. Qonaqtar sondaı-aq Astananyń kórikti jerlerin aralaı alady.