Elordada alty  kúnge sozylǵan XIII «Eýrazıa» halyqaralyq kınofestıvali óz máresine jetti dep habarlaıdy Qamshy.kz aqparat agenttigi expo2017culture.kz-ke silteme jasaı otyryp.
Kınofestıvaldiń  konkýrstyq baǵdarlamasyna 13 tolyq metrajdy jáne 30 qysqa metrajdy fılm qatysty. Sharaǵa barlyǵy 200-den astam qonaq keldi.  Olardyń qatarynda Nıkolas Keıdj, Edıren Broýdı men Djon Malkovıch sıaqty Gollıvýd juldyzdary da bar.

«Úzdik er adam beınesi» atalymy boıynsha Ázirbaıjannyń «Granatovyı sad» fılminiń akteri Gýrban Ismaılov jeńiske jetti.

 «Úzdik áıel róli» atalymyna «Moıa schastlıvaıa semá» fılminde oınaǵan grýzıalyq aktrısa Ia Shýgashvılı ıe boldy.

«Úzdik rejıserlik jumys» atalymynda qyrǵyzstandyq «Kentavr» fılminiń rejıseri Aktan Arym Kýbat jeńiske jetti.

Konkýrstyń Bas júldesine qazaqstandyq «Oralman» fılmi ıe boldy. Vetnam eliniń «Pýtevaıa stansıa» fılmi men «Granatovyı sad» fılmi qazylar alqasynyń arnaıy syılyǵyn ıelendi.

Al, qysqa metrajdy fılmderdiń ishinde bas júldeni qazaqstandyq «It» fılmi jeńip aldy. Qazylar alqasynyń arnaıy dıplomymen qyrǵyzstandyq «Zaplyv» fılmi marapattaldy. «Habar» arnasynyń nusqasy boıynsha  «Eshe odın den» fılmi úzdik fılm atandy.