Shyǵys Qazaqstan oblysynyń Katonqaraǵaı aýdany Berel qorǵanynda tabylǵan tarıhı jádigerge qatysty sol orynda qazba jumystaryn júrgizip jatqan ekspedısıalyq toptyń jetekshisi Zeınolla Samashev túsinik berdi, dep habarlaıdy Qamshy.kz  aqparat agenttigi QazAqparatqa silteme jasaı otyryp.

«Berel qorǵanynda tabylǵan jádigerdi «Altyn adam» deýdiń qajeti joq. Bul týraly aqparat asyǵys tarap ketken bolýy kerek. Biz zerttep jatqan oryn ejelgi tonalyp ketken qorǵan bolatyn. Sonyń ishinen ejelde ómir súrgen áıel adamnyń bas kıiminiń qaldyqtary tabyldy. Tony, belbeýiniń qaldyqtary saqtalyp qalypty. Ábzelderimen birge eki attyń qaldyqtary tabyldy. Áli qazba jumystary aıaqtalǵan joq», - deıdi Zeınolla Samashev.

Arheologtyń aıtýynsha, qaldyqtary tabylǵan aqsúıek áıel bizdiń zamanymyzǵa deıingi İİİ ǵasyrdyń basy - İV ǵasyrdyń aıaǵynda ómir súrgen bolýy múmkin.