Atmosferalyq fronttardyń ótýine baılanysty Qazaqstannyń basym aımaqtarynda turaqsyz aýa raıy saqtalady, jańbyr kútiledi, naızaǵaı bolady, jel kúsheıip, burshaq, daýyl bolýy múmkin, dep habarlaıdy Qamshy.kz aqparat agenttigi Qazgıdromet málimetine súıenip.

Elimizdiń Batys, ońtústik-batys, ońtústik-shyǵysynda jáne soltústik-shyǵysynda jaýyn-shashynsyz aýa raıy saqtalady. Qostanaı, Aqmola, Soltústik Qazaqstan, Qaraǵandy, Qyzylorda, kúndiz Shyǵys Qazaqstan oblystarynyń keı jerlerinde burshaq, daýyl bolýy múmkin.

Soltústik Qazaqstan oblysynda túnde jáne tańerteń keı jerlerinde tuman bolýy múmkin. Jambyl oblysynyń keı jerinde jel 15-20, kúndiz ekpini 25 m/s kúsheıedi, kúndiz burshaq, daýyl bolýy múmkin.

Ońtústik Qazaqstan oblysynda keı jerlerde jel 17-22 m/s kúsheıedi, daýyl bolýy múmkin. Aqtóbe oblysynyń keı jerlerinde jel 18 m/s kútiledi.

Túnde jáne tańerteń Mańǵystaý oblysynda tuman kútiledi.

Kúndiz Almaty, Atyraý, keı jerlerde Jambyl, Mańǵystaý, Batys Qazaqstan, Qaraǵandy oblystarynda qatty ystyq aýa raıy kútiledi. Qyzylorda, Ońtústik Qazaqstan, Jambyl, Almaty, keı jerlerde Atyraý, Batys Qazaqstan, Aqtóbe, Qaraǵandy oblystarynda óte joǵary órt qaýpi saqtalady.