«Qazaqstan-2050» jalpyulttyq qozǵalysy QR Ulttyq akademıalyq kitaphanasymen birlesip, 4 tamyz kúni «MEGA Silk Way» OSO-da «Men qoldaimyn» sharasy aıasynda «Qazaq kitaptary 1929-1940» atty latyn álipbıimen jazylǵan kitaptardyń kórmesin ótkizedi, dep habarlaıdy Qamshy.kz  aqparat agenttigi  QazAqparatqa silteme jasaı otyryp.

Jalpyulttyq baspasóz qyzmetiniń málimetinshe, sharanyń negizgi maqsaty - Memleket basshysy Nursultan Nazarbaevtyń «Bolashaqqa baǵdar: rýhanı jańǵyrý» atty maqalasynda aıtylǵan kırıllısa negizindegi qazaq álipbıin latyn álipbıine kóshirý bastamasyna qoldaý bildirý.

Kórmege qazaq zıaly qaýym ókilderiniń 1929-1940 jyldary shyqqan eńbekteri qoıylady. Sonymen qatar, sheteldik aqyn-jazýshylardyń eńbekterin de osy kórmeden tamashalaýǵa bolady.

Memleket basshysy Nursultan Nazarbaev: «Latynshaǵa kóshýdiń tereń logıkasy bar. Bul qazirgi zamanǵy tehnologıalyq ortanyń, komýnıkasıanyń, sondaı-aq, HHİ ǵasyrdaǵy ǵylymı jáne bilim berý prosesiniń erekshelikterine baılanysty» dep atap ótken bolatyn.

Latyn álipbıi negizindegi qazaq álipbıin jasaý ıdeıasyn otandyq ǵalymdarmen qatar sheteldik ǵalymdar qoldady. Qazirgi ýaqytta qoǵam talqysyna keńinen salynyp, halyq tarapynan qoldaý tapqan bastamaǵa «Qazaqstan-2050» jalpyulttyq qozǵalysy da ún qosyp otyr.