Taý týrızmin damytý jónindegi halyqaralyq forýmda sheteldik týrıserdi tartý úshin Almaty men Grýzıa arasyndaǵy yntymaqtastyq máselesi talqylandy, dep habarlaıdy Qamshy.kz aqparat agenttigi.

Búgin ótip jatqan jyl saıynǵy «International Mountain Sports Festival» festıvál aıasyndaǵy halyqaralyq forým barysynda Grýzıanyń Ekonomıka jáne turaqty damý mınıstrligi janyndaǵy Gýdaýrıdi damytý máselesi boıynsha dırektor Aleksandre Onoprıshvılı  Almaty men Grýzıa arasynda yntymaqtastyq ornatýdy usyndy.

«Sizderdiń ásem taýlaryńyzdy kórip jáne orasan áleýetti sezinip, taý týrızmin damytý salasynda Almatynyń qabileti óte joǵary ekenin baıqadyq, osylaısha, birneshe baǵyt boıynsha yntymaqtastyq ornatý jóninde ıdeıa týyndady. Mysaly, biz ózimizdiń taý kýrorttarymyzda bıletter satqanda  «Shymbulaqqa» tegin barý múmkindigin nemese kerisinshe, Almatydan bizge kelgende de qolaıly jaǵdaılardy jasaýdy qarastyramyz. Sonyń arqasynda týrsıterdi kóp tartýǵa bolady. Tabıǵı qundylyq, bıiktik  pen taýlardyń qalaǵa jaqyndyǵy qyzyqtyrady. Mundaǵy tamasha kýrorttar qala ekonomıkasyn jańa deńgeıge kóteredi, ómir súrý deńgeıin arttyryp, týrızm salasyndaǵy bıznesti odan ári damytýǵa jańa serpilis beredi», - dep atap ótti  A. Onoprıshvılı.

Forýmda Sankt-Peterbýrg frıstaıl federasıasynyń vıse-prezıdenti Vıktor Tımakov taý týrızmin damytýda Almatynyń ortalyq Azıadaǵy eń turaqty qala ekendigin atap ótti.

«Halyqtyń 10%-y - maýsym barysynda bes ret 200 myń adamnan kýrortqa kelse, bul - mıllıon! Al, bul Qazaqstannyń ózge óńirlerin eseptemegende, almatylyq aglomerasıa turǵyndary ǵana. Mundaı  utymdy alǵyshart tipti  álemde de joq. Sizderdiń taýlaryńyz qansha kólemdi alyp jatyr. Men týrızmdi damytý isin kópshilikke keńinen nasıhattaý qajet ekenin atap ótkim keledi, sonyń arqasynda qala ekonomıkasy da artyp, jańa jumys oryndary ashylar edi. Reseı sportshylary munda  kele me? Árıne, qýana keledi. Men bul qalaǵa alǵash ret kelip otyrmyn,  alaıda «Shymbulaq» týraly estigenmin, dostarym osynda taý shańǵysymen syrǵanaǵan. Men sizderdiń taýlaryńyzǵa  ǵashyqpyn», - dedi V.Tımakov.

Avtrıadan kelgen «Warth»  taý shańǵysy kýorty men «Warth Holding GmbH» týrısik basqarmasynyń bas dırektory Gúnter Oberhaýzer  taý kýrortyn jedel damytýdaǵy basty faktorlardyń biri - Almatynyń iri megapolıs bolýy ekenin atap ótti.

Onyń bul oıyn  PGI Management bas dırektory Djoan Vıladoma da kuptady,  «Andorra  -  álemniń eń kishi 9 eliniń biri. Al Qazaqstan - álemniń iri 9 eliniń biri» dep atap ótti. Ol Indıadan týrıser tartýdy usyndy.

«Biz Almatyda ındýstardyń kóp ekenin baıqadyq. Olar taý  shańǵysy sportyn unatady. Taý kýrorty Almatydan 3,5 saǵat qana qashyqtyqta. Meniń berer keńesim, buǵan da nazar aýdarǵan jón!», - dedi ol.

Almaty qalasy Týrızm jáne syrtqy baılanystar basqarmasynyń basshysy Erlan Jaılaýbaı  Almatyda barlyq halyqaralyq standarttardy eskerip jáne qala ekologıasyn saqtap, álemniń jetekshi kompanıalarynyń tájirıbesi negizinde taý týrızmin arttyrýǵa erekshe mán beriletinin aıtty. Bastapqy kezeńde qala turǵyndary arasynda  taý sporty túrlerin  damytýǵa nazar aýdarylady, óıtkeni taýǵa kelýshilerdiń  80%-y Qazaqstan turǵyndary.