2017 jyldyń 7 tamyzynda  «Qazaqstan» Ulttyq telearnasynda «Men qazaqpyn» atty halyqaralyq megajobanyń kúndelikteri bastalady dep habarlaıdy Qamshy.kz aqparat agenttigi.       

Bul jobanyń maqsaty – Respýblıkamyzdyń jáne basqa elderge qonys aýdarǵan qandastarymyzdyń  dástúrli ánshi-termeshi, kúıshileri Ulttyq arnada bas qosyp, elimizdiń tańdaýly týyndylaryn dáripteý arqyly atadan-balaǵa mıras bolyp qalǵan tól ónerimiz kúı, jyr-termeni zamanǵa saı jańashalandyryp, bolashaq urpaqqa keńinen tanytý.

Aýqymdy jobaǵa elimizdiń 14 oblysynan basqa Reseı Federasıasy, Qytaı Halyq respýblıkasy, Monǵolıa men Altaıda turatyn qandastarymyz da qatysqan bolatyn.

Sonymen, barlyǵy 675 ónerpaz baq synasyp, irikteý týrlarynan "Eń  úzdik" dep tanylǵan 57 úmitker respýblıkalyq televızıalyq baıqaýǵa joldama aldy.

«Men qazaqpyn» halyqaralyq jobasynyń kúndelikterin «Qazaqstan» Ulttyq telearnasynan tamyzdyń 7-nen bastap saǵat 21:20-da kóre alasyzdar!