KHDR-nyń SİM basshysy Lı Ón Ho Manılada ońtústik koreıalyq áriptesi Kan Gón Hvamen kezdesti. Lı Ón Ho Seýldiń eki jaqty qarym-qatynasty jaqsartý týraly usynysyn qabyldamaı tastady dep habarlaıdy Qamshy.kz aqparat agenttigi Rónhap agenttigine silteme jasap.

Eki mınıstrdiń kezdesýi Shyǵys Azıa samıtine qatysatyn jergilikti mınıstrler kezdesýi aıasynda ótti.

Kan Gón Hvannyń Ońtústik Koreıa prezıdentiniń ekijaqty qarym-qatynasty túzetý týraly usynysyn qabyl alýǵa shaqýyrýyna Lı Ón Ho «Ońtústik Koreıaǵa shynaıylyq jetispeıdi», – dep jaýap bergen.   

Buǵan deıin ońtústik koreıalyq kóshbasshy Germanıaǵa saparynda KHDR men Ońtústik Koreıa arasyndaǵy áskerı ókilder kelissózderin qaıta júrgizýdi usynǵan. Osydan keıin Seýl Phenánǵa naqty usynystar men kelissózder ýaqytyn belgiledi. Alaıda Soltústik Koreıa tarapynan oń qadamdar bolmady.