Qazgıdromet RMK 7 tamyzǵa arnalǵan aýa raıy boljamyn jarıalady, dep jazady Qamshy.kz aqparat agenttigi.

Atmosferalyq aýa aǵynynyń ótýine baılanysty Respýblıkanyń soltústiginde, ortalyǵynda, shyǵysynda turaqsyz aýa raıy saqtalady. Jańbyr jaýady, naızaǵaı bolady, jel kúsheıedi, burshaq, daýyl bolýy múmkin, soltústikte túnde jáne tańerteń tuman kútiledi.   

Qazaqstannyń qalǵan bólikterinde jaýyn-shashynsyz aýa raıy bolady. Aqmola, Pavlodar, Soltústik Qazaqstan oblystarynda kúndiz jel 15-20 m/s deıin kúsheıedi, keı jerlerinde 23-28, ekpini 30 m/s asyp, naızaǵaı oınap, burshaq, daýyl bolýy múmkin.

Qostanaı oblysynda jel 15-20 m/s, keı jerinde 23-28 m/s jetip, túnde jáne tańerteń tuman kútiledi.

Shyǵys Qazaqstan oblysynyń keı jerinde jel 17-22, ekpini 30 m/s, kúndiz keı jerlerde naızaǵaı bolady. Burshaq, daýyl bolýy múmkin.

Qaraǵandy oblysynyń keı jerinde naızaǵaı kútiledi, burshaq, daýyl bolýy múmkin. Jel 15-20, ekpini 25 m/s deıin kúsheıedi. Kúndiz Kyzylorda oblysynyń keı jerinde jel 15-20 m/s deıin kúsheıedi. Óte qatty ystyq aýa raıy kútiledi. 

Atyraý, Mańǵystaý, Batys Qazaqstan, Aqtóbe oblystarynda, Almaty, Jambyl, Ońtústik Qazaqstan, Qyzylorda, Qaraǵandy, Shyǵys Qazaqstan oblystarynyń keı jerlerinde qatty ystyq aýa raıy kútiledi.

Almaty, Atyraý, Batys Qazaqstan, Aqtóbe, Qyzylorda, Qaraǵandy, Shyǵys Qazaqstan, Ońtústik Qazaqstan, Jambyl oblystarynda joǵary órt qaýpi saqtalady.