Bıssımıllahır rahmanır rahım! Elimizdiń Islam dininiń oryny erekshe. Salt-dástúr, ádet-ǵurpymyzdyń da keı tustary dinniń negizinde qalyptasyp, hadısterdiń qamtıtyn mazmuny tyıym sózder formasynda jetkizilip otyrdy. Jaratýshydan jer betine jiberilgen sońǵy paıǵambar Mýhammad s.a.ý bolsa, túsirgen qasıetti 4 kitaptyń sońǵysy osy Fýrqan ıaǵnı Quran edi. Qazir shúkir, kez-kelgen ózin musylman sanaǵan momynnyń qasıetti kitapty qarajatyna satyp alýǵa shamasy jetedi. Uzasa teńgemizben 2-3 myńdaı bolyp qalady. Jaqynda oılmaǵan jerden ǵalamtordan mynandaı jarnamaǵa kózip túsip ketti. Qarasam, Quran kitaptyń ejelgi basylymy men ǵalymdardyń qoljasbasy kúıinde jetken nusqasy bolyp shyqty. Olar mine, tómendegideı:
Bul hıjra jyl sanaǵy boıynsha 1245 jyldan qoljazba kúıinde jetken nusqasy. Satylymdaǵy baǵasy 16 000 AQSH dollary. Jarnama ıesine habrlasyp kórgenimizde bul kitapty Saýd Arabıasynan saýdalapty. Qazirgi somasynan eki esege arzan baǵada. Negizi maqsaty satý úshin ákelgen eken. Kitapty satylymǵa shyǵarǵan Ramıl esimdi jigit.
Bul kitap hıjra jyl sanaǵy boıynsha 1103 jyly ıaǵnı 1692 jyly jazylǵan kitap. Paraqtary bylǵarydan jasalyp, jan-jaǵy altyndatylǵan eken. Satylymdaǵy baǵasy 250 000 AQSH dollary
Bul grıgorıan kúntizbesi boıynsha 1808 jyly shyqqan kitap. Qaıta óńdeýden ótken. Kitapty shyǵarýǵa 3 sheber jumys istegen. Satylym baǵasy 250 000 AQSH dollary.
Bul kitap HVİ ǵasyrǵa tıesili qundy mura. Muqabasy bylǵary, óńdelmegen, óńdeýden ótse baǵasy da ósedi dep jazyp qoıypty. Satylymdaǵy baǵasy 4 400 000 tg. Bul úsh jarnamanyń ıesi Maqsat esimdi jigit.
Bul kitaptyń naqty jaryqqa shyqqan jyly berilmegen. Ustynyna qarap 1-2 ǵasyrlyq tarıhy bar ekenin boljaýǵa bolady. Satylym baǵasy 100 000 AQSH dollary. Satýshy Saǵadat esimdi jigit. Aıtýy boıynsha ata-babasynan kele jatqan jádiger eken. Habarlasyp suraǵanymyzda « ony eshkim oqı almaıdy bizden, sol úshin satyp otyrmyz» degen jaýap aldyq.
Bul kitap HVİİ ǵasyrda shyqqan kitap. Satýshy Sultan esimdi jigit. Ókinishke oraı, kitap qunyn aıtpapty.
Mine, ǵalamtor betindegi ǵalamattar osy boldy. Qasıetti, qundy kitaptyń quny da joǵary ekenin kórdik. Qaltasy kóterer kisilerdiń ǵana múmkindigi bar tarıhı jádiger. Nıetimiz oń bolsa qurandy qaı nusqadan oqysaq ta ınshaalla alar saýbymyz birdeı bolmaq. Mynadaı qasıetti tarıhı jádigerdiń tek úıge kórik berer jıhaz bolyp qalmasa jarady.
Orynbasar Baqytbekov
