Qazaqstanda áleýmettik jumysshylar úshin standarttardy ózgertý josparlanyp otyr. Usynylyp otyrǵan jańa talaptardyń ishinde oqý ornyna túser kezinde erikti retindegi (volonter) tájirıbesi eskeriledi, dep habarlaıdy  Qamshy.kz  aqparat agenttigi QazAqparatqa silteme jasaı otyryp.

«Eger de mektep túlegi ózine mamandyq tańdaı otyryp, áleýmettik qyzmetker fakúltetine nemese áleýmettik pedagog baǵytyna qujat tapsyrýǵa barsa, onda bul talapkerdiń erikti retindegi tájirıbesi mindetti túrde bolýy tıis. Ol áleýmettik qyzmetker retinde mamandyq alǵanǵa deıin áleýmettik lıftiden ótýi tıis. Sondyqtan ol tıisti tájirıbeni alýy úshin kýrstardan ótip, medısınalyq-áleýmettik mekemelerde jumys istep, múmkindigi shekteýli azamattarǵa kómektesýi kerek»,- dedi QR Eńbek jáne halyqty áleýmettik qorǵaý vıse-mınıstri Svetlana Jaqypova Ortalyq komýnıkasıalar qyzmetindegi baspasóz máslıhatynda.

Onyń paıymynsha, osyndaı sharalar júıeden daıyndyqsyz kelgen adamdardy shettetedi. Sebebi bundaı mamandar oqý ornyn támamdaǵannan keıin, salada nebári eki-úsh aı ǵana qyzmet etedi. Taldaý nátıjelerine qaraǵanda, áleýmettik pedagog nemese áleýmettik qyzmetker mamandyǵyn alǵan túlekterdiń 50 paıyzy kásibi boıynsha jumys istemeıdi eken.