2017 jylǵy 9 tamyz saǵat 11.00-de Qazaqstan Respýblıkasy Ulttyq mýzeıinde qazaqstandyq sýretshi Káripbek Kúıikovtyń «Radıasıa» atty kórmesi ashylady. Ol – álemdegi antıadrolyq qozǵalystyń belsendisi, Qazaqstannyń bastamashylyǵymen qurylǵan halyqaralyq «Atom» jobasynyń qurmetti elshisi, dep jazady Qamshy.kz aqparat agenttigi QR Ulttyq murajaıynyń baspasóz qyzmetine silteme jasap.

Kórmeni Qazaqstan Respýblıkasy Syrtqy ister mınıstrligi Ulttyq mýzeımen birlesip uıymdastyrýda.

Qaraǵandylyq sýretshi  Káripbek Kúıikov Qazaqstandaǵy antıadrolyq ustanymyn nasıhattap, búkil álemge erekshe talantymen tanylǵan tulǵa.

Káripbek Kúıikov Qaraǵandy oblysyndaǵy Semeı ıadrolyq polıgonynan zardap shekken Egindibulaq aýylynda dúnıege keldi. Sol sebepti qoly joq bop týǵan. Onyń sýret salýy da ózgeshe. Qylqalamdy tisimen tistep, keıde aıaǵynyń bashpaılary arqyly týyndylaryn beıneleıdi.

Onyń mańyzdy týyndysy «Alǵashqy jarylys» dep atalady. Jantúrshiktirer ıadro sańyraýqulaǵy aınalasyndaǵy dalany kúıdirip aspanǵa kóterilip barady, aspan bolsa qap-qara, juldyzdar sýyq... Osylaısha Káripbek Kúıikov óziniń sýretshilikke degen qabiletin túsindi.

Káripbek Kúıikov Amerıka, Japonıa, Germanıanyń jeke jáne memlekettik koleksıalaryna qoıylǵan. Onyń kórmeleri Japonıada, AQSH, Germanıa, Túrkıa, Qytaı jáne Qazaqstanda uıymdastyryldy. Káripbektiń kórkem týyndylarynyń basty taqyryby ıadrolyq qarýdyń adamzatqa keltirer qaterimen baılanysty.

Qazaqtan Prezıdenti Nursultan Nazarbaev 2016 jyly ıadrolyq qaýipsizdik jónindegi halyqaralyq samıtte AQSH Prezıdenti Barak Obamamen kezdesken kezinde oǵan  K. Kúıikovtyń «Jarylys» degen kartınasyn syıǵa tartqan bolatyn. 

Kórmeniń ashylý saltanatyna elimizdiń tanymal saıasat jáne qoǵam qaıratkerleri, Qazaqstan Respýblıkasy Syrtqy ister mınıstrliginiń, halyqaralyq  «Nevada-Semeı» qoǵamdyq qozǵalysynyń ókilderi qatysady. 

Kórme sýretshi shyǵarmashylyǵyna eshkimdi nemquraıly qaldyrmaıdy dep senemiz.