Qytaıdyń Shańduń aımaǵy «EXPO Astana 2017» kórmesine qatysatyn boldy. Bul óńir Qytaıdyń shyǵysynda ornalasqan óndiristik, ári asa damyǵan týrısik-shıpajaı aımaqtyń biri, dep jazady Qamshy.kz aqparat agenttigi QazAqparatqa silteme jasap.

Qytaı taraby búginde Qazaqstanmen ekijaqty ekonomıkalyq jáne saýda yntymaqtastyǵyn órbitip, oǵan qosa, iskerlik kelissózdi jandandyryp, mádenı qarym-qatynastardy arttyrýdy kózdep otyr. Ásirese, Shańduń aımaǵynyń Uly dala elimen baılanysty tereńdetpek nıeti erekshe. Bul týraly Azıa memleketteri aqparat quraldary ókilderi úshin Shańduń aımaǵy uıymdastyrǵan arnaıy medıa sapar kezinde jarıa etildi. Oǵan Qazaqstan, Ózbekstan, Malaızıa, Taıland, Shrı-Lanka elderiniń jýrnalıseri qatysty.     

«EXPO Astana 2017» kórmesindegi Shańduń aımaǵynyń aptalyǵy úsh bólimnen turady: aımaqtyń ekonomıkasyn tanystyrý, kórmeni uıymdastyrý jáne birinshi tulǵalardyń sóz alysy. Apta aıasynda Astana men Almatyda 10 irili-usaqty iskerlik-mádenı shara ótkizý josparlanyp otyr.  

Shańduń aımaǵynyń Astanaǵa sapary aldynda azıalyq BAQ ókilderine aımaqtyń áleýmettik-ekonomıkalyq áleýeti jan-jaqty tanystyryldy. Jergilikti ákimshilik medıa sapar kezinde jýrnalıserge Shańduń aımaǵynyń keleshegi zor ónerkásip oryndaryn kórsetti. Naqty aıtqanda, Jınan, Duńáń jáne Iantaı qalalaryndaǵy kún qýaty jáne munaı óndirisi qural-jabdyǵy, júk kólikterin jınaý, sharap kásiporyndarynyń áleýeti tanystyryldy.  

Sapardyń aıryqsha atap óter tusy, Qytaı men Reseı birikken joǵary tehnologıaly demonstrasıalyq bazasyna sapar boldy. Bul Qytaı úkimeti qarqyndy qolǵa alǵan «Bir jol - bir beldeý» jobasynyń is júzindegi naqty kórinisi. Joba aıasynda Qytaı úkimeti Qazaqstanmen yntymaqtastyqty tereńdetip, óndiristik almasýǵa asa yntyzar.