Astanada Sankt-Peterbor aptalyǵy aıasynda Elorda ákimi Áset Isekeshev pen Sankt-Peterbordyń vıse-gýbernatory Sergeı Movchannyń kezdesýi ótti, dep jazady Qamshy.kz aqparat agenttigi.

Kezdesý barysynda eki qala yntymaqstasytyǵynyń keleshegi talqylandy.

Sergeı Movchan EKSPO-2017 halyqaralyq kórmesiniń uıymdastyrylý jumystaryn joǵary baǵalady. «Biz bolashaqta áli talaı halyqaralyq ekonomıkalyq forýmdar ótkizemiz. Bunyń astarynda úlken kúsh pen jiger jatyr. Halyqtyń sanyn jınaý úshin qaýipsizdik máselesi de mańyzdy. Soǵan baılanysty «aqyldy» jáne «qaýipsiz» qalanyń damýy jóninde aıtýǵa bolady», - dedi reseılik qonaq.

Kelissóz barysynda Astana ákiminiń orynbasary Andreı Lýkın men Sergeı Movchan 2017-2021 jyldar aralyǵyndaǵy seriktesitk jaıynda qujatqa qol qoıdy. Qujatqa sáıkes, eki el arasyndaǵy ekonomıkalyq saýda, ǵylymı tehnıka, mádenı jáne gýmanıtarly seriktestik baǵdarlamalary qarastyrylǵan.

Reseıdegi Qazaqstan elshiliginiń baspasóz qyzmetiniń málimetinshe, eki el arasyndaǵy yntymaqtastyq qarqyndy túrde damyp keledi. Sankt-Peterbor qalasynda «Astana» Eýrazıalyq iskerlik seriktestik ortalyǵy boı kótermek. Ortalyq eki qala kásipkerleri arasyndaǵy baılanysty jaqyndata túsedi.