Latvıa bıligi 9 jáne 12-shi synypta tapsyrylatyn emtıhandy tek memlekettik tilde tapsyrýǵa úkim shyǵardy. Basqa tilderde tapsyrýǵa qatań tyıym saldy. Sonyń ishinde eldiń Bilim mınıstrligi orys tilinde tapsyrylatyn emtıhandarǵa basa nazar aýdardy.  Ózgeris aldaǵy oqý jylynan bastap óz kúshine enedi.  Bul týraly Qamshy.kz aqparat agenttigi Meduza.io saıtyna silteme jasap habarlaıdy.

Osy ýaqytqa deıin eldegi barlyq mektepterde 9-synyp oqýshylary emtıhandy qaı tilde tapsyratynyn ózderi tańdaıtyn. Endi tek 9-synyp ǵana emes 12-synyp oqýshylary da emtıhandy memlekettik tilde tapsyrady.

2009 jyldan 2016 jyldary emtıhandy latysh tilinde  tapsyrǵan oqýshylardyń sany 60-tan 85 paıyzǵa ósken.

Aıta ketsek, Latvıada orys tilinde sabaq júrgizetin 168 bastaýysh mektep pen 108 orta mektep bar.