Ómir bar jerde ólim bar. Pende balasy ózine shekteýli ǵumyryn Jaratýshy belgilegen mejeden ári asyra almaıdy. Peshenege jazylǵany pendelik basty sarsańǵa salǵanymen, aqıqatpen kelispeske amal joq. Qazaqta qaıǵyly qaza. Búgin qazaq teatr óneriniń synshy maıtalmany, ónertanýshy, 17 kitaptyń avtory, « Qurmet » ordeni men táýelsiz « Tarlan platınaly » syılyǵynyń ıegeri, QR eńbek sińirgen óner qaıratkeri, Kentaý men Túrkistan qalalarynyń qurmetti azamaty Áshirbek Tórebaıuly Syǵaı 67 jasqa qaraǵan shaǵynda dúnıeden ozdy.
Marqumnyń otbasy men týǵan-týystaryna qaıǵyra kóńil aıtamyz. Jatqan jeri jánnatta bolǵaı!
