Mysyrda poıyz apaty qurbandarynyń sany artýda. Sońǵy málimet boıynsha, 44 adam ajal qushqan. Jaraqat alǵandardyń sany 130-dan asady dep habarlaıdy sheteldik BAQ-qa silteme jasap Qamshy.kz aqparat agenttigi.
Oqıǵa keshe Aleksandrıa qalasynyń mańynda bolǵan. Kaır-Aleksandrıa poıyzy Port-Saıd Aleksandrıa poıyzymen soqtyǵysqan. Saldarynan birneshe vagon relsten shyǵyp ketti. Qazir tergeý amaldary júrip jatyr. Apattyń mán-jaıyn anyqtaý úshin arnaıy komısıa qurylǵan.
Aldyn ala málimet boıynsha, tótenshe jaǵdaıǵa adam faktory sebep bolýy múmkin. Óıtkeni temirjol boıyndaǵy semafordy iske qosatyn qyzmetker qatelik jibergen degen boljam bar.
