Nepalda sý tasqyny men laı kóshkininen qaza bolǵandar sany 49 adamǵa jetti dep habarlaıdy Qamshy.kz aqparat agenttigi sheteldik BAQ-qa silteme berip. Ókinishke qaraı, jergilikti bılik qurbandar sany áli de artýy múmkin dep otyr.

Tabıǵı apatqa osymen birneshe kún tolas tappaı jaýǵan jańbyr sebep bolyyp otyr. Sońǵy málimet boıynsha eldiń ortalyq bóliginde 600 saıahatshy eshqaıda qatynaı almaı, qamalyp qalǵan. Olardyń jartysynan astamy – sheteldik saıahatshylar. Barlyǵy Chıtvan ulttyq saıabaǵyna jaqyn jerge demalýǵa kelipti. Alaıda aq jaýynnyń kesirinen taıaýdaǵy eki birdeı ózen arnasynan tasyǵan.

Qazir topan sýdan japa shekken aýdan halqyna polısıa qyzmetkerleri jáne áskerılermen qatar ózge aımaq turǵyndary da kómektesýge tyrysyp jatyr.