Eki perishte jolǵa shyǵypty. Birinshi kúni jolaýshylar bir baıdyń úıine túsedi. Biraq bul otbasy asa qonaqjaı bolmaı shyǵady. Olar eki jolaýshy perishteni qonaq bólmege jatqyzbaı, jertólege qonýǵa ruqsat etipti. Tósekterin salyp, endi jataıyn degende perishtelerdiń úlkeni qabyrǵadaǵy tesikti kórip, ony bitep tastapty. Kishisi nege olaı istegenin suraıdy. Sonda úlkeni: — Ómir biz oılaǵandaı emes, — dep jaýap qatypty. 
Kelesi kúni olar yńyrshaǵy shyqqan kedeıdiń úıine túneıdi. Biraq úı ıesi óte qonaqjaı eken, áıeli ekeýi keshki astaryn perishtelermen teńdeı bólisip jeıdi. Jaıly jatasyzdar dep óz tósekterin bosatyp beredi. Uıqylaryn qandyryp tursa, erli-zaıyptylar qatty qaıǵyryp, jylap otyr eken. Sóıtse sútin satyp, sodan tabys kórip otyrǵan jalǵyz sıyry ólip qalypty. Sonda kishi perishte úlkeninen surapty: — Qalaı bolǵany bul? Birinshi úı baqýatty bolsa da sen olarǵa kómektestiń. Myna beıbaqtar aýzyndaǵysyn jyryp, barymen bólisti. Al, sen olardyń jalǵyz sıyrynyń ólip qalýyna jol berdiń… — Ómir biz oılaǵandaı emes, — dep jaýap beredi eresek perishte. — Biz jertólede qonǵan kezde qabyrǵa tesiginde olja baryn bildim. Onda kóp altyn kómilgen. Ol úıdiń qojaıyny bizdi jóndemdi kútip almaǵan soń, sol altyndy taýyp almasyn dep tesikti bitep tastadym. Kelesi túni jatar kezde jarlynyń áıeliniń janyn almaqqa Ázireıil keldi, biraq men oǵan sıyrdy berdim. Ómir biz oılaǵandaı emes. Biz bárin bile bermeımiz. Tipti senimi bola tura, pende ne nárseniń de onyń ıgiligi úshin jasalaryn túsine bermeıdi. Ony ýaqyt óte kele ǵana túsinedi…