Malaızıada jańa musylman bolǵandardyń oqıǵalary kóbinese etnıkalyq musylmandar úshin tanymdy bolyp keledi, dep habarlaıdy Qamshy.kz aqparat agenttigi QMDB resmı saıtyna silteme jasap.

«Alǵashqyda Islamdy qabyldaıtynymdy bilgen meniń qytaı dostarym biraz abyrjyp qaldy. Islamdy qabyldaǵan soń, men ózgerip, olarmen aralaspaı qoıady dep sanaǵan eken olar», - dep shyqqan tegi qytaı, al ózi jańadan musylman bolǵan Saralın Abdýlla aǵynan jaryldy.

Saralın 24 jasynda Quranǵa jáne onyń tereń maǵynasyna, ásirese paıǵambarlar men olarǵa berilgen synaqtar týraly oqı otyra  súıispenshiligi oıanyp, shyn júregimen Allanyń bir ekenin bildiretin  sháhádá aıtqan.

«Áldekim Islamdy qabyldaǵan ýaqytynda, adamdar onyń ulty malaızıalyq bolady dep oılaıdy. Meniń dostarym da meni malaızıalyq bolyp, Malaızıa mádenıetin ustanatyn bolady dep oılap, abyrjyp qalǵan ǵoı».

Selangordiń ózinde jylyna 3 200 adam Islamdy qabyldaıdy. Bul adamdardyń osy dinge kelýleriniń sebebi ártúrli, biraq olardyń bári dinge kirgen soń óz esimderin ózgertip jatady. Malaızıadaǵy qytaılyq musylmandar qaýymdastyǵy prezıdenti profesor Taýfık Iap Iýn Hınniń aıtýynsha, esimdi ózgertý keń taraǵan stereotıp.

 – «Qytaı esimderiniń basym kópshiliginiń ózindik jaqsy maǵynalary bar. Paıǵambarymyzdyń (oǵan Allanyń salaýaty men sálemi bolsyn) kezinde mundaı bolmaǵan edi  – adam dindi qabyldaǵanda oǵan esimin ózgertýdiń qajeti bolmaǵan, tek esimniń maǵynasy nashar bolǵanda ǵana, esim ózgertiletin bolǵan».