Armenıa týrızmdi damytý salasynda belsendi jumys atqarýda. Bul týraly EKSPO-2017 Halyqaralyq mamandandyrylǵan kórmesinde Armenıa Respýblıkasynyń Ulttyq kúnin merekeleý barysynda Ekonomıkalyq damý jáne ınvestısıalar mınıstrliginiń Týrızm jónindegi memlekettik komıtetiniń tóraǵasy Zarmıne Zeıtýnsán málimdedi. Ol óz sózinde tabysqa jetý úshin týrızmdi damytý salasynda seriktestik ornatýdyń qajettiligin erekshe atap ótti. Z.Zeıtýnsánnyń aıtýynsha, transshekaralyq jáne aımaqaralyq deńgeıge ótý týrısik salany jetildirýde jańa múmkindikterge jol ashady, dep habarlaıdy Qamshy.kz aqparat agenttigi EKSPO-2017 kórmesiniń medıa-ortalyǵyna silteme jasap.
«Festıváldyq, dinı, sporttyq, saýyqtyrý, qalalyq jáne ekotýrızm tárizdi týrızmniń belsendi baǵyttaryn damytý jolynda Armenıany týrıser úshin tartymdy etý úshin bar jigerimizdi salýdamyz. Armenıada taýly (qysqy) jáne ekstremaldy týrızm damyǵan, sondaı-aq shańǵy men bekkantrı týrızmderiniń áleýeti zor. Osy turǵyda Astana qalasyndaǵy EKSPO-2017 kórmesine qatysý bizge seriktestik qatynastardy ornatýǵa úlken múmkindik beredi. Jyl saıyn Armenıadaǵy týrısik kórikti jerlerdiń sany kóbeıýde», - dedi Zarmıne Zeıtýnsán.
Óz kezeginde Qazaqstan Respýblıkasy Investısıalar jáne damý vıse-mınıstri Erlan Haırov Armenıa Respýblıkasynyń kórmege qatysýy eki el arasyndaǵy dostyq qarym-qatynasty rastaıtyndyǵyn atap ótti. Sonymen qatar, týrızm jáne energetıka salalaryndaǵy ózara tıimdi yntymaqtastyqtyń mańyzdylyǵyna da toqtaldy.
«Eki el arasyndaǵy ózara tıimdi yntymaqtastyqtyń damýy zamanaýı álem úshin mańyzdy bolyp tabylady. Ózekti máselelerdiń ortaq sheshimderin tabý - adamzat úshin mańyzdy. Qazirgi munaı dáýirinde «Bolashaq energıasy» taqyryby barlyq memleketter úshin ózekti. Sol sebepti, halyqaralyq qaýymdastyqtyń basty maqsaty -jańartylatyn energıanyń jańa kózderin izdeý bolyp tabylady. EKSPO-2017 kórmesi energetıka salasyndaǵy ınovasıalyq sheshimderdi usynýǵa jáne jańartylatyn energıa kózderi salasyndaǵy ozyq ıdeıalardy júzege asyrý úshin biregeı múmkindik bolyp tabylady», - dedi Erlan Haırov.
Aıta keteıik, bıyl 27 tamyzda Qazaqstan jáne Armenıa Respýblıkalary arasynda dıplomatıalyq qarym-qatynastardyń ornaǵanyna 25 jyl tolady. Osy ýaqyt aralyǵynda ekijaqty, aımaqtyq jáne halyqaralyq ınstıtýttar aıasynda Qazaqstan-Armenıa yntymaqtastyǵy aıtarlyqtaı nyǵaıyp, keńeıtildi.
