Ońtústik Qazaqstan oblysyndaǵy bilim basqarmasyna jańa basshy taǵaıyndaldy. Oblys ákiminiń ókimimen bul qyzmetti Saǵyndyqov Isataı Ómirzaquly atqaratyn boldy, dep habarlaıdy Qamshy.kz aqparat agenttigi OQO ákimdiginiń baspasóz qyzmetine  silteme jasaı otyryp.

Jańa basshyny bilim basqarmasynyń ujymyna oblys ákiminiń orynbasary Ulasbek Sádibekov tanystyrdy.

Isataı Ómirzaquly 1960 jyly týǵan, bilimi joǵary, mamandyǵy boıynsha matematık, pedagogıka ǵylymdarynyń kandıdaty.Tórt tildi meńgergen.

1983 jyly QazSSR Ǵylym akademıa seısmologıa ınstıtýtynyń ınjeneri bolyp bastaǵan.

1992-2015 jyldary aralyǵynda  Qazaqstan Respýblıkasy Bilim jáne ǵylym mınıstrligi joǵary beıindik bilim bóliminiń jetekshi mamany, Respýblıkalyq test ortalyǵy dırektorynyń orynbasary, halyqaralyq baılanys basqarmasy bóliminiń bastyǵy, Ulttyq memlekettik bilim jáne test ortalyǵy memlekettik bilim standarttary basqarmasynyń basshysy, Ulttyq memlekettik bilim jáne test ortalyǵy dırektorynyń orynbasary,  Reseı Federasıasyndaǵy Qazaqstan Respýblıkasynyń Elshiliginiń birinshi hatshysy, Ulttyq test ortalyǵynyń dırektory, Ońtústik Qazaqstan oblysy boıynsha bilim salasyndaǵy baqylaý departamentiniń dırektory qyzmetterin atqarǵan.

2015 jyldyń tamyzynan búgingi kúnge deıin Túrkimenstandaǵy Qazaqstan Respýblıkasynyń Elshiliginiń keńesshisi laýazymyn atqarǵan.