Qazaqstannyń Syrtqy ister mınıstri Qaırat Ábdirahmanov Ózbekstannyń syrtqy saıası vedomstvosy basshysynyń orynbasary Saıdıkram Nıazhodjaevty qabyldady dep habarlaıdy Qamshy.kz aqparat agenttigi QR Syrtqy ister mınıstirliginiń baspasóz qyzmetine silteme jasaı otyryp.
Suhbatta Qazaqstan men Ózbekstan arasyndaǵy yntymaqtastyqty damytýdyń ózekti máselelerin, sonyn ishinde aǵymdaǵy jyldyń naýryz aıynda Ózbekstan Prezıdenti Shavkat Mırzıóevtiń Qazaqstanǵa memlekettik saparynyń qorytyndylary boıynsha qol jetkizilgen eki el kóshbasshylarynyń ýaǵdalastyqtardyń iske asyrý barysyn talqylady.
S. Nıazhodjaev mınıstrdi Ózbekstan elshiliginiń Almatydan Astanaǵa kóshýi jóninde qabyldanǵan sheshim jáne dıplomatıalyq ókildik ǵımaraty kesheniniń qurylysy bastalǵany týraly aqparattandyrdy.
Taraptar sondaı-aq aldaǵy túrli deńgeıdegi ekijaqty baılanystardyń jáne Ortalyq Azıadaǵy halyqaralyq is-sharalardyń kestesin qarastyrdy.
