"Jaqynda ǵana álemdegi eń bedeldi, joǵary deńgeıdegi vokaldyq konkýrs elimizde tuńǵysh ret ótkizildi. Opera ónerin súıip tyńdaıtyn tyńdarmandar úshin bul erekshe oqıǵaǵa aınaldy. Mundaı aýqymdy, álem moıyndaǵan óner saıysy men úshinde áriptesterim úshinde ózindik tájirıbe boldy", - deıdi Qazaqstannyń eńbek sińirgen qaıratkeri Súndet Baıǵojın.

Opera maıtalmany "Plasıdo Domıngony betpe bet kórip, onymen suhbattasyp, bir sahnada qatar turýdyń ózi biz úshin úlken abyroı, jetistik. Mundaı konkýrs qazaq mádenıetiniń, qazaq óneriniń, opera salasynyń bedelin kóterip tastady.  Osy tusta atalmysh sharanyń uıymdastyrýshysy jáne uıytqysy bolyp otyrǵan QR Mádenıet mınıstrliginiń eńbegin atap ótken jón. Álemniń túkpir túkpirinen jınalǵan opera ánshileri Qazaqstanǵa kelip, Astananyń kelbetine tańqalyp ketti. Sonymen qatar, aıtýly is-sharaǵa bizdiń taraptan eshqandaı shyǵyn shyqpaǵan, barlyq qarjy turǵysynan qamtamasyz etýdi "Operalıanyń" demeýshisi Rolex shveısarlyq saǵat kompanıasy moınyna alǵan. Bulda opera ónerine degen janyshyrlyq dep bilemin.

Euronews telearnasy bizdiń "Operalıa" týraly translásıa sıkldaryn kórsetip bastady. Álemdik arenada aldyńǵy orynda kele jatqan telearnaǵa shyǵýymyzdyń ózi aıtýly oqıǵa. Operany súıip tyńdaıtyn tyńdarmandar bizdiń operadaǵy jetistiktermen habardar bolyp jatqanyna qýanyshtymyn. Osyndaı aýqymdy mádenı is-sharalar memleketimizdiń ımıjin kóterip, Qazaqstanǵa kelýshi qonaqtar sanyn kóbeıtip jatyr", - deıdi «Astana Opera» teatrynyń solısi Súndet Baıǵojın.