«Qazirgi tańda AQSH pen Qytaı arasynda ekonomıkalyq soǵys júrip jatyr, soǵystyń sońy AQSH-tyń jeńilisimen aıaqtalyp, qaıta qalpyna kelýi múmkin bolmaıdy». Mundaı pikirdi AQSH prezıdenti ákimshiliniń saıası strategi Stıven Bennon American Prospect basylymyna bergen suhbatynda aıtty, dep jazady Qamshy.kz aqparat agentigi.

«AQSH pen Qytaı arasynda ekonomıkalyq soǵys júrip jatyr. 25-30 jyldan keıin eki memlekettiń biri tolyqtaı jeńiske jetedi. AQSH baǵytyn ózgertpese, Qytaıdyń jeńiske jetetini anyq», - dedi ol. Suhbat mátini seısenbi kúni basylymnyń saıtynda jarıalandy.

«Men úshin Qytaımen ekonomıkalyq soǵys ótkizý – AQSH-tyń sharýasy bitkenmen teń. Eger biz jeńile beretin bolsaq, 5-10 jyldan keıin naǵyz quldyraý sáti ornaıdy. Ol kezde memleketti qaıta qalpyna keltirý múmkin bolmaıdy», - dep eskertti amerıkalyq saıasatker.

Sondaı-aq, Bennon Vashıngtonnyń ekonomıkalyq soǵys barysynda 1974 jyly qabyldanǵan Saýda týraly zańnyń 301-bólimin paıdalanýdy kózdeıtinin aıtty. Atalmysh bólimde kórsetilgendeı, memleket basshysy halyqaralyq kelisimdi buzǵan sheteldik memlekettermen saıası, zańnamalyq jáne ózge de jaǵdaılarmen kúres barysynda kez-kelgen sharany paıdlana alady. Al Qytaımen aradaǵy soǵys sol elde jumys isteıtin amerıkalyq kompanıalardyń zıatkerlik menshik quqyqtaryn buzý bolyp tabylmaq.

«Qytaı bizben ekonomıkayq soǵysty bastady jáne jeńis solardyń jaǵynda», - dedi saıası strateg.