Qalyń jurtshylyqqa «Naıman» degen laqap atpen tanymal, aralas jekpe-jek óneriniń maıtalmany Qýat Hamıtov fýtbolǵa tyıym salý kerektigi týraly  aıtty dep habarlaıdy Qamshy.kz aqparat agenttigi. Bul týraly Qýat Hamıtov Instagram áleýmettik jelisinde jazǵan bolatyn.

«Men árdaıym Qazaqstandaǵy fýtbolǵa tyıym salý kerektigin aıtyp kelemin! Buǵan ketip jatqan qarajat ..., odan da palýandarǵa, boksshylarǵa berińizder, olardyń júreginde ar-namys pen maqtanysh bar! Olar eli úshin  qan tógip júrip, óz qarajatyn shyǵaryp, týdy kóteredi. 90 mınýt  aqymaqtarǵa uqsap júgirip, mıllıondaǵan aqsha alady! Bul qarajatqa aýyldarda sport keshenderin salsa, naǵyz chempıondar shyǵar edi! Al bular óz alańynda, amerıkalyq fýtbol sıaqty óz elinde oınap júre bersin. Qazaqtar soǵysqan, doptyń artynan júgirmegen! Ashyǵyp ólip jatqan Afrıkanyń ózi bizdiń fýtbolshylarymyzdyń jasap jatqanynan da jaqsy óner kórsetedi! Sportshy toq bolsa, ómiri jaıly bolsa, odan nátıje shyqpaıdy! Chempıon bolý úshin kedeı sıaqty ómir súrip, jetistikke erik-jigeriń kóp bolýy tıis! Sol kezde ǵana nátıje shyǵady! Sheshim jasańyzdar!», - dedi Qýat.