Ispanıa polısıa qyzmetkerleri Barselonada kólikpen bir top adamdy qaǵyp ótken er adamnyń kim ekendigin anyqtady. Bul týraly Qamshy.kz aqparat agenttigi RT-ǵa silteme berip habarlaıdy.
Lańkestiń 22 jastaǵy Iýnes Abý Iakýb esimdi azamat ekeni belgili boldy. Katalonıanyń quqyq qorǵaý organdary terrorısterdiń jalpy sany 12 bolǵanyn málimdegen. Onyń beseýi ustalyp, tórteýi lıkvıdasıalanyp, ekeýi oqıǵa ornynda qaza tapqan. Al bireýi izdestirilý ústinde.
Eske salsaq, 17 tamyz kúni Ispanıanyń birneshe óńirinde terorıstik áreketter oryn alyp, nátıjesinde 130 adam zardap shegip, 14 adam qaza tapty.
