«Barselona» kapıtany Andres Inesta katalondyq klýbtyń bolashaǵy týraly sóz qozǵady dep habarlaıdy Qamshy.kz  aqparat agenttigi vesti.kz-ke silteme jasaı otyryp.

Ispanıalyq fýtbolshy bıylǵy maýsym aıaqtalǵanda klýbtan ketýi múmkin ekenin joqqa shyǵarmady. Inesta keıingi ýaqytta buryn basynan ótkermegen jaǵdaıǵa túskenin aıtady. 

«Barselonamen» kelisimshartty áli uzartqam joq. Buryn bolmaǵan sezimdermen arpalysyp júrmin. Bul qalypty da shyǵar. Qazir úsh jyl buryn elestetip kórmegen senarıler bar. «Barselonadan» ketýdi josparlap júrmin, buryn mundaıdy oılap ta kórmep edim», – dep keltiredi Inestanyń sózin El Pais.

«Barselona» kapıtany, tipti, «Parı Sen-Jermen» klýbyna aýysyp ketkeni úshin Neımardy synaǵan joq. 

Sonymen birge, katalondyq klýbtan basty juldyz Lıonel Messı de ketýi múmkin ekeni sóz bolyp otyr. Anglıanyń "Manchester Sıtı" klýby argentınalyq oıynshyny 300 mıllıon eýroǵa satyp alýǵa daıyn.