H. esimdi azamat elimizdiń kóshi-qon zańnamasyn uzaq zertteı kele mynadaı qyzyq maǵlumattarǵa tap bolady: oralmandarǵa qomaqty qarajat tólenedi eken. Atap aıtqanda, memleket tarıhı otanyna kóship kelgenderge turaqty meken-jaıyna deıingi jol aqysymen qosa, ózderiniń múlkin de tasyp-kóshirýge arnalǵan shyǵyndaryn kóteredi. Muny bilgen H. ózin jáne búkil otbasyn qaıtken kúnde oralman etip shyǵarýǵa bel baılaıdy. Yqtımal paıda mólsherin eseptegen ol óz josparymen áldebir O. atty azamatpen jáne tergeýmen anyqtalmaǵan taǵy birneshe adamdarmen bólisedi. Qylmystyq top H.-ǵa qaıdan ekeni beımálim mońǵol tilinde neke qıý týraly jáne bes balanyń týýy týraly kýálikterdi alýǵa kómektesedi. Qujattardy qazaq tiline aýdaryp, notarıýsqa kýálandyryp, oblystyq kóshi-qon departamentine usynady. Bul mekeme mamandary H-ǵa oralman mártebesin berip, onymen qosa járdemaqy da tólegen. Saldarynan H. jáne O., sondaı-aq ázirge bostandyqta júrgen olardyń sybaılastary memleketke 1 172 000 teńge kóleminde zıan keltirgen.   Derekkóz: BNews.kz