Keshe Aqordada Memlekettik hatshy Muhtar Qul-Muhammedtiń tóraǵalyq etýimen Qazaqstan Respýblıkasy Prezıdenti janyndaǵy Azamattyq máseleler jónindegi komısıanyń kezekti otyrysy bolyp ótti.

Otyrysty qysqasha sóz sóı­lep ashqan Muhtar Qul-Mu­ham­med kún tártibine úsh máseleniń usynylatynyn aıtty. Olardyń birinshisi bir top sheteldiktiń Qa­zaq­stan azamattyǵyn alý jónin­degi ótinishterin talqylaýǵa arnalsa, ekinshisi elimiz azamat­ty­ǵynan shyǵatyndardyń tilegine baılanysty. Al úshinshi másele boıynsha kóshi-qon saıasatynyń ózekti jaıttary qozǵalyp, ishki ister organdarynda jyl ishinde atqarylǵan jumystar saralandy.

– Biz búgin elimizdiń aza­mat­ty­ǵyn qabyldaýǵa nıet bildirgen, qazaqstandyq bolýǵa yn­ta­lylyq tanytqan kóptegen shetel­dikterdiń ótinishterin qaraımyz, – dedi Memlekettik hatshy jıyn­dy ashardaǵy sózinde. – Qa­zaqstan jyl ótken saıyn álem tanyǵan, dúnıe júzi moıyndaǵan qýatty da aıbyndy memleketke aınalyp keledi.

Elimizdiń áleýmettik-saıası já­ne ekonomıkalyq damýynda qol jetkizgen orasan zor ta­bys­tary sheteldikterdiń Qazaqstan aza­mattyǵyn alýǵa talpynysyn da týǵyzýda. Mundaılardyń qa­ta­rynda Reseı, Ýkraına, Latvıa, Ázerbaıjan, Ózbekstan, Grýzıa jáne basqa da elderdiń ókilderi bar. Sonaý ótken ǵasyrdyń 90- jyldary elimizden shet jaq­tarǵa asyp ketken burynǵy jerlesterimiz arasynda da týǵan jer­lerine qaıtyp oralýǵa qush­tar­lyq tanytyp otyrǵandar az emes.

– Munyń bárin Elbasymyz­dyń halyqaralyq arenadaǵy jyl sanap udaıy ósip kele jatqan zor bedeli men álem jurtynyń Qa­zaq­stannyń keleshegine degen úl­ken seniminiń belgisi retinde qa­byldaýǵa ábden bolady, – dedi M.Qul-Muhammed budan ári. – Sondyqtan da biz búgin elimizde alǵash ret toılanǵaly otyrǵan respýblıkamyzdyń Birinshi Prezıdenti kúni qarsańynda jańa qazaqstandyqtardy óz ortamyzǵa qabyldaýǵa qýanyshtymyz. Olar­ǵa ejelgi Qazaq jerinde baqytty ómir keshe otyryp, ortaq Ota­ny­myzdyń ıgiligi jolynda qalt­qysyz qyzmet ete berýdi tileımiz. Olar endi Qazaqstannyń laıyqty azamaty bola otyryp, elimizdiń damýyna ózderiniń qoldarynan kelgen úlesterin qosa beredi degen senimdemiz. Bul rette bizdiń birinshi kezektegi mindetimiz jańa otandastarymyzdyń elimizdiń áleý­mettik kelbetine tez beıimdelýlerin qamtamasyz etý bolsa, ekinshiden, respýblıka ıgiligi úshin jemisti barynsha qyzmet etýlerine jan-jaqty jaǵdaı jasaý bolyp tabylady.

Memlekettik hatshy óziniń sózinde bolashaq otandastarymyz úshin qazaqstandyq qoǵamǵa tán ultaralyq jáne konfes­sıaara­lyq turaqtylyq bastaýlaryn tereń jaýapkershilikpen uǵyný­dyń asa mańyzdy másele ekenin atap ótti. Elbasynyń bastaýymen jyldar boıy qalyptasyp, berik dástúrge aınalǵan bul tatýlyq sheń­berin udaıy kózdiń qarashy­ǵyndaı qorǵap, ony elimizdiń ilgeri órleýi jolyndaǵy ortaq maqsattar úshin saqtap otyrýdyń máni óte joǵary. Máseleniń osy jaǵyna aıryqsha nazar aýdarǵan Muhtar Qul-Muhammed budan keıin komısıanyń birqatar mú­she­leriniń kún tártibindegi máse­le­lerge baılanysty esepterin tyń­dady.

Komısıa otyrysynyń qory­tyn­dysy boıynsha tıisti sheshimder men usynymdar qabyldandy.

Serik PİRNAZAR,

«Egemen Qazaqstan».

---------------------------------------------------------------

Taqyryp týraly basqa BAQ ókilderi ne deıdi?