Armysyz, ardaqty aǵaıyn!

 «Áýeli sózdiń basy bismillá, Bismillá demeı is qylma». Qarashanyń 19-ynan bastap Qazaqıanyń ınternet toryna bizdiń saıt ta uıasyn salmaqqa nıet etti. Túp maqsatymyz túgen edi, bet baǵdarymyz bylaı edi dep qupıasyn qazbalaıtyndaı qyrtysy qalyń, qatpary tereń saıt emespiz.

 Maqsatymyz jalǵyz. Qazaq óneriniń mandaıyna bitken jalǵyz aıy bitimdes aıtys ónerin nasıhattaý. Múddemiz baıaǵy. Eldiktiń keregesine kóz bolý, shańyraǵyna ýyq bop shanshylý. Ózi ózge jurt jerdegi tar tesikke dop syıǵyzyp, qus talastyryp, ıt yryldastyryp jatqanda, qazekem sóz jarystyrdy.

 Aqynnan oıdy óleńmen órnektegen sýyryp salmalyqty, al tyndarmannan ár sózdiń maǵynasyna boılaýdy talap etken aıtys rasynda ónerdiń atasy deýge laıyq. «Qazaq qandaı?» deseń, «mine osyndaı» dep kórseter asylymyz dep... aǵylshynǵa aıtyp jatqan joq ekenbiz-aý.

 Qazaq balasynyń aıtysty bilmeıtini kem. Kóredi. Tyńdaıdy. Kútedi. Aıtyskerin alaqanǵa salyp qurmetteıdi. Aıtystyń qazir qalpy, leksıkony, maqamy ózgergen shyǵar-aý, biraq jurttyń oǵan degen yqylasy báz baıaǵy qalpynda.

 Al yqylas, saǵynysh hám suranys bar jerde bizdiń saıtta ne jazamyn, ne kórsetemin degen másele týa qoımas. Bastysy, munda basty telearnalardan kórsetýge tabý qoıylǵan aıtysty tamashalaıtyn bolasyzdar. Baǵzy zamannan búginge deıingi aıtyskerler býynynyń tolyq deregin tabatyn bolasyzdar.

 Jas aıtyskerlerdiń qym-qýyt tirshiliktiń qýanyshy men qaıǵysyna, úmiti men kúdigine qatysty býyn shyǵaryp otyramyz. Saıası aıtys, satıra aıtys deısiz be, aıtystyń formasyn baıytyp, jastarǵa jol kúrep, onlaında da, offlaında da qyzmetimiz aıtysty aıtýdan jalyqpaý bolmaq.

 Á degennen qaǵazda bárin qatyryp tastaýǵa asyqpalyq. Aıaq alysymyzdy ańdyp kórersizder. Biraq, tileýles bolǵandaryńyzdy qalaımyz. Aıtys ónerine beı jaı qaraı almaıtyn barlyq azamattardy ortaq iske at salysýǵa shaqyramyz! Endeshe, búginnen bastap bizge de kóz qıyǵyńyzdy sala júrińiz!

 http://kazaitys.kz/  ujymy