Túrkıadaǵy Qazaqstannyń Elshiliginiń jáne «KAZAKH INVEST» Ulttyq kompanıasy» AQ-nyń qoldaýymen jalpy somasy 590 mıllıon AQSH dollaryna ınvestısıalyq qujattarǵa qol qoıyldy. Kelisimder jáne memorandýmdar «Calik Holding», «Yildirim Holding», «Yildizlar SSS Holding», «Agrobest Group» jáne basqa iri túrik holdıńterimen jasaldy dep habarlaıdy Qamshy.kz aqparat agenttigi.
Qujattardyń sheńberinde Qazaqstannyń ár-túrli óńirlerinde qurylys materıaldaryn, mashına jasaý, hımıa ónerkásibi, taý-metallýrgıalyq sektor, energetıka ónimderin óndirý boıynsha jobalardy iske asyrý josparlanady.
Sońǵy bes jylda túrik ınvestorlarymen 667,5 mln. AQSH dollary somasyna 18 joba iske asyrylǵandyǵyn eske salyp óteıik. Jaqyn bolashaqta jańa 10 jobany iske asyrý josparlanady.
QR Prezıdenti 2016 jyldyń sáýirinde Stambýl qalasyna barǵan saparynan keıin túrik shaǵyn jáne orta bıznes ókilderiniń tarapynan da, sondaı-aq transulttyq kompanıalardyń tarapynan da Qazaqstanǵa degen qyzyǵýshylyqtyń oqys óskendigin atap ótken jón. Túrik kompanıalary Qazaqstandy daıyn ónimdi EAEO jáne Ortalyq Azıa elderine kelesi eksporttaýmen óz óndiristerin ornalastyrý alańy retinde qarastyrady. Odan basqa, sońǵy úsh jylda Túrkıadan kelgen ınvestorlar Qazaqstanda qaıta ınvestısıalaýdy jáne óz óndiristik qýattaryn ósirýdi belsendi bastady.
Jalpy búgingi kúni qazaqstandyq-túrik ınvestısıalyq bastamalardyń jalpy paketi jalpy somasy 2,7 mlrd. AQSH dollaryn quraıtyn 70 jobany engizedi, olardyń ishinde 31 joba iske asyryldy, jáne shamamen 40 joba perspektıvaly jáne iske asyrylýy múmkin. Túrkıadan QR-na TSHI-nyń 2005 jyldan bastap 2017 jyldyń 1 toqsanyna deıin kelýi $ 2,1 mlrd. qurady. 2017 j. 6 aıynyń qorytyndylary boıynsha syrtqysaýdalyq aınalym 925,1 mln. qurady (2016 j. uqsas kezeńimen ósý 36,1%-dy qurady). 2017 j. 1 shildesine QR-da 4114 zańdy tulǵa tirkeldi, olardyń ishinde 1831 áreket etedi.
