Qurmetti oqyrmandar!  «Sol jaǵalaý» aqparattyq-saraptamalyq toby qurylǵanyń habarlaımyz!

«Sol jaǵalaý» aqparattyq-saraptamalyq toby turaqty túrde memleketimizdiń ishki-syrtqy saıasatyn, aqparattyq, saıası-ıdeologıalyq, áleýmettik-ekonomıkalyq jaǵdaıyn baqylap, monıtorıń júrgizýmen, reıtıńtik ólshemder jasap, saraptama materıaldaryn daıyndaıdy. Tyǵyz áriptestik aıasynda Qamshy.kz aqparat agenttigi «Sol jaǵalaý» analıtıkasyn turaqty túrde jarıalap otyrady.

«Sol jaǵalaý» aqparattyq-saraptamalyq tobynyń alǵashqy reıtıńitik ólshemi maýsym, shilde, tamyz aılaryn qamtıdy. Bul reıtingtik ólshemde Qazaqstannyń memlekettik bıliktegi saıası tulǵalarynyń ishki saıasattaǵy yqpaldylyǵyn, nátıjeligin, olardyn jumysyna sarapshylar men jýrnalıserdin beretin baǵalary kórsetiledi.

Alǵashqy bestikti  jaqynda ǵana Prezıdent ókimimen ókilettiligi 2022 jylǵa deıin sozylǵan, Prezıdent ákimshiliginiń jetekshisi Ádilbek Jaqsybekov bastap tur. Jaqsybekov Qazaqstannyń basty saıası shtaby - Prezıdent ákimshiliginiń jetekshisi retinde eń yqpaldy saıası qaıratker bolyp tabylady. Rýhanı jańǵyrtý boıynsha baǵdarlamany iske asyrý jónindegi ulttyq komısıany Ádilbek Jaqsybekov basqaryp baǵdarlamany iske asyrýǵa jaýap berý arqyly, onyń yqpaldylyǵyn odan ári arttyrdy jáne komısıanyń júıeli jumysy men nátıjeligine sarapshylar men jýrnalıser jaqsy baǵasyn berip jatqany belgili.

 Ekinshi orynda Prezıdent ákimshiliginiń basshysynyń birinshi orynbasary Marat Tájın. Tájın myrza qandaı qyzmetti atqarmasyn, ol eshqashan eń yqpaldy tulǵa, saıası qaıratker statýsynan aırylǵan emes jáne aırylýy múmkin emes. Sebebi Tájın Qazaqstannyń sur kardınaly ári basty saıası tehnology. Onyń ákki qyzmeti men minsiz jumysyna eshkimniń kúmáni bolmasa kerek.

Úshinshi ornyda premer-mınıstr Baqytjan Saǵyntaev. Jaqynda ǵana Prezıdent Nazarbaev qysqa merzimdi demalystan oralyp, jańa saıası maýsymdy ashylýyn Premer-mınıstr Saǵyntaevty qabyldaýmen bastap, Saǵyntaev úkimetiniń belsendi jumysyna baǵa berip, Saǵyntaevtyń mınıstler kabıneti  aldynda jańa mindetter qoıǵan bolatyn. Saǵyntaev óziniń turaqty iskerligi men úkimettiń jumysyn meılinshe ashyq júrgizýi onyń yqpaldylyǵynyń óskeniń kórsetip tur.

Tórtinshi orynda Senat tóraǵasy Qasym-Jomart Toqaev. Toqaev myrza atqaratyn qyzmetine sáıkes Konstıtýsıa boıynsha memlekettik bıliktegi ekinshi adam bolyp tabylady, tek osy fakt qana onyń yqpaldylyǵyn aıqyndaýǵa jetkilikti. Biraq Toqaevtyń dıplomatılyq óneri, tulǵalyq qasıetteri onyń sózderiniń ótimdi bolýyna, demek yqpaldylyǵyn artýyna aıtarlyqtaı úles qosady. Jyl basynda oryn alaǵan Konstıtýsıalyq reformalar keıin zań shyǵarýshy bılik kúsheıip, birqatar fýnkasıalardy ılendi, bul oqıǵa da Toqaevtyń saıası salmaǵyn arttyra tústi.

Besinshi orynda Májilis tóraǵasy Nurlan Nyǵmatýlın. Nyǵmatýlınniń saıası-apparattyq jumys ádisi, joǵarǵy dengeıdegi uıymdastyrýshylyq qabiletteri, jáne Konstıtýsıa boıynsha memlekettik bıliktegi úshinshi adam retinde de, Konstıtýsıalyq reformalardan son qalyptasqan jaǵdaı da Nyǵmatýlın myraznyń saıası yqpalyn keńeıte tústi. Jańa saıası maýsymnyń dástúrli ashylýy parlament qabyrǵasynda ótetini eki spıkerdin de múmkindikterin ulǵaıta túsedi.

 Altynshy orynda Premer-Mınıstrdiń birinshi orynbasary Asqar Mamın. Mamın atqarǵan qyzmetiniń barlyǵy derlik, menedjerlik pen sharýashylyq salasymen tikeleı baılanysty bolǵandyqtan, qazirgi úkimet jumysynda onyń tájirıbesi molynan paıdalanylýda. Asqar Mamınniń iskerlik qasıetteri aldaǵý ýaqytta daǵdarysqa qarsy jobalardyn júzege asýyna óz nátıjeli septigin tıgizedi.

Jetinshi orynda Prezıdent Keńsesin basshysy Mahmud Qasymbekov. Mahmud Bazarqululy úzdiksiz Prezıdent Keńsesin basqaryp keledi. Qasymbekovtyń apprattyq jumysy eń jaýapty, sebebi tek ol ǵana qujattary Prezıdenttiń aldyna apara alady. Prezıdenttiń stolyna túsetin ár qaǵaz Qasymbekovtyń tekserisinen ótedi. Oǵan degen Prezıdenttiń senimi, jáne Qasymbekov myrzanyń qyzmetine adaldyǵy, tıanaqtylyǵy, bılik pen qoǵam arasyndaǵy bedeli kóp nárseni ańǵartady.

Segizinshi orynda Kárim Másimov. Másimov ózi aıtatyndaı «Prezıdenttiń máńgi kómekshisi» bolýǵa tyrysyp baǵýdy. Onyń qazirgi yqpaldylyǵy negizinen kóbine UQK-niń basshysy qyzmetimen atqarýymen baılanysty.

Toǵyzynshy orynda Aqparat jáne komýnıkasıa mınıstri Dáýren Abaev. Bizdiń reıtıńtik ólshemimizde Dáýren Áskerbekuly eń jas saıası basqarýshy. Abaevtyń otandyq BAQ salsyn jetildirýge baǵyttalǵan qadamdary, otandyq BAQ-yń jańa dengeıge shyǵarýǵa arnalǵan qyzmeti jáne Qazaqstannyń aqparattyq qaýipsizdikti kúsheıtýdi kózdeıtin «Buqaralyq aqparat quraldary týraly» zań jobasy onyń júıeli túrde ári yqpaldy saıası qaıratkerge aınalǵanyń kórsetedi.

 Onynshy orynda QR-nyń Reseı Federasıasyndaǵy Tótenshe jáne Ókiletti Elshisi Imanǵalı Tasmaǵambetov. Memlekettik saıası basqarýshylar ishinde elshini qosýǵa qandaı sebep boldy degen saýal týyndaıtyny oryndy. Biraq, másele elshilik qyzmetten buryn ol qyzmetti atqaryp otyrǵan tulǵada. Saıası tulǵada jáne qaı memlekettegi elshilik qyzmetin atqarýynda. Imanǵalı Nurǵalıulynyń qazirgi qyzmeti Reseıdiń basshylyǵymen jaqsy qarym-qatynasty saqtaı otyryp, Reseıdiń Qazaqstannyń ishki saıasatyna aralsyp ketý faktoryna tosqaýyl bolý. Qazaqstanda qarqyndy túrde júzege asyp jatqan «rýhanı jańǵyrý» ıdeıasyna Reseıdiń ishinde júrip qorǵaý lınıasyn saqtaý.

1.    Ádilbek Jaqsybekov

2.    Marat Tájın

3.    Baqytjan Saǵyntaev

4.    Qasym-Jomart Toqaev

5.    Nurlan Nyǵmatýlın

6.    Asqar Mamın

7.    Kárim Másimov

8.    Mahmud Qasymbekov

9.    Dáýren Abaev

10.  Imanǵalı Tasmaǵambetov

11.  Qaırat Mámı

12.  Vladımır Jumaqanov

13.  Abaı Bısembaev

14.  Talǵat Donaqov

15.  Qaırat Qojamjarov

16.  Gúlshara Abdyqalyqova

17.  Ondasyn Orazalın

18.  Nurlan Onjanov

19.  Álıhan Smaılov

20.  Qalmuhambet Qasymov