Soltústik Koreıa syrtqy ister mınıstri Lı En Ho AQSH saıasatyna jaýap retinde jańa sýtegi bombasynyń synalatynyn málimdedi, dep jazady Qamshy.kz aqparat agenttigi.
Bul týraly KHDR SİM basshysy jýrnalıserdiń el prezıdenti Kım Chen Ynnyń «qatań sharalary» jaıynda suraǵyna jaýap berdi.
Budan buryn Kım Chen Yn AQSH prezıdenti Donald Tramptyń KHDR-dy tolyǵymen joıyp jiberý týraly aıtqan málimdemesin salystyrǵan.
Soltústik Koreıa basshysy Tramptyń sózderi úreı týǵyzbaǵanyn, tek durys sheshim qabyldaýǵa septigin tıgizgenin aıtty. Sondaı-aq Amerıka prezıdentiniń shabýyldaryn jaı qaldyrmaıtynyn eskertti.
«Men ol shaldyń únin otpen óshiremin», - dedi Kım Chen Yn málimdemesinde.
Aıta keteıik, AQSH prezıdenti Donald Tramp KHDR-ǵa qarsy qarjylyq shekteý sharalaryn kúsheıtý týraly jarlyqqa qol qoıǵan. KHDR AQSH-qa nemese AQSH odaqtastaryna qandaı da bir qaýip tóndiretin jaǵdaıda, memleketti túgel joıyp jiberetinin eskertti. Sondaı-aq, Soltústik Koreıaǵa qarsy sanksıa engizýde qoldaý kórsetken Reseı men Qytaıǵa alǵys bildirdi.
Sýtegi bombasyn synaý aımaǵynda radıasıa deńgeıiniń joǵarylaýy qytaılyq mamandarmen tirkelgen. Bomba 3 qyrkúıekte synaldy.
