Padýı jáne Bolonıı ýnıversıtetteriniń ǵalymdary Aı men Mars ǵalamsharynan adamdardy qonystandyrýǵa bolatyn jerdi tapty, dep habarlaıdy Qamshy.kz aqparat agenttigi. Bul jaıynda eýropalyq astrofızıkterdiń Eroplanet resmı saıty málimdedi.

Sarapshylar ǵaryshtyq beder modelderin saralap, Aı men Mars ǵalamsharyndaǵy úńgirler men «lava qubyrlary» adamdardyń ómir súrýine eń qolaıly jerler degen sheshimge keldi.

Ǵalymdardyń paıymdaýynsha, dál sol úńgirler men lava qubyrlary adamdardy mıkrometeorıtter men ǵarysh sáýleleriniń aǵymynan qorǵaı alady.

«Lava qubyrlary» - lavanyń birkelki salqyndamaı qalǵan kezinde paıda bolǵan arnalar. Lavanyń ústińgi beti tezirek salqyndaıdy da, qabaty qatty jáne monolıtti bolyp qalyptasady, onyń ishindegi suıyq lava birte-birte ketip, týnel qalyptastyrady. Ǵalymdar mundaı týnelder 65 kılometrge deıin jetetindigin aıtady.