Reseılik akter Sergeı Romanuly "Chernobyl. Jat aımaq", "Metod", "Ekıpaj" jáne "As úı" serıaldarynda, sondaı-aq, "Ekıpaj", "Mach", "Qorap" fılmderinde oınaǵan, qazirgi ýaqytta "Olga" teleserıalyna túsip júr. Ol jergilikti BAQ-qa bergen suhbatynda ómirin túbegeıli ózgertken bir oqıǵany aıtyp berdi, dáliregi, óziniń oılamaǵan jerden qalaı haq jolǵa túskenin baıandady, ― dep jazady Qamshy.kz aqparat agenttigi islam.kz saıtyna silteme jasaı otyryp.
Ol jıyrma jasynda ıslam dinin qabyldaǵan (Sergeı 1992 jyldyń shilde aıynyń 16-y kúni Tomsk óńirinde dúnıege kelgen).
"Men árdaıym qudaıǵa senýshi edim. Men dindar otbasynda dúnıege kelip, shoqynǵan adammyn. Ózimdi qudaımen tildesip júrgendeı kúı keshetinmin. Anam alty jasymda: "Ýaıymdama. Bári jaqsy bolady. Qudaı bárin kórip tur", ― dep ózin jubatatynymdy aıtyp otyrady. Sol kezde men bir Jaratýshynyń baryn túsingenmin. Nıkolaı Chýdotvorestiń ıkonyn alyp, shirkeýge jıi barýshy edim. On altyǵa kelgenimde ózimdi kóptegen saýaldar jıi tolǵandyratyn. Oqydym, toqydym, aqyry mynadaı sheshimge keldim: din - halyqty basqarý quraly. Al qudaı árkimniń óz ishinde. Jıyrma jasymda Tomskige keldim. Shámil esimdi jaqyn dosym bolatyn. Oǵan qonaqqa keldim. Onyń úlken aǵasymen pikir talastyryp qaldyq. Din jaıynda, sonyń ishinde ıslam týrasynda. Men teledıdardan kórsetip jatatyn avtomat asynǵan terrorıster dep oılaıtynmyn. Ol taqyryppen qanshalyqty tanys ekenimdi surady. Men oqymaǵanymdy moıyndadym. Sol sebepti, aramyzda áńgime órbimedi. Úıge kelgen soń ıslamdy zerdeleýge kiristim, qyzyq úshin. Neǵurlym tereńdegen saıyn soǵurlym burynnan mazalap júrgen saýaldaryma jaýap taptym. Endigi jerde men úshin bári túsinikti edi, meniń izdegenim de osy bolatyn. Bir aı ótken soń Shámil bizdikine keldi. Ol onyń baýyrlarymmen namaz oqyǵanymdy kórip, aıran-asyr boldy. Ol ózi namaz oqymaıtyn edi. Solaı boldy dese de bolady: men ony, al ol meni ıslamǵa alyp keldik",― dedi ol aǵynan aqtarylyp.
Jaqyndary bozbalanyń basyn aınaldyryp alǵan eken dep oılap, alańdaýshylyq bildirgende Sergeı olarǵa bárin egjeı-tegjeıli túsindirýine týra kelgen. Ony, tipti, ózi bilim alyp júrgen joǵarǵy oqý ornynyń basshylary, dekan profılaktıkalyq áńgime ótkizip, raıynan qaıtarýǵa tyrysqandaryn da jasyrmady. Keıin onyń jat aǵymnyń jeteginde ketpegenin, durys júrip-turatynyna kóz jetkizip, mazalamaıtyn bolǵan. Ol haq jolǵa túskenine bes jyl ótkenin jetkizdi.
«Men túsirilim barysynda shujyq jeıtin kezde men úshin qyzmetkerler halalyn satyp aldyrtatyn boldy», ― deıdi Sergeı Romanuly.
