Madrıdtik "Realdyń" shabýylshysy Krıshtıaný Ronaldý "Altyn dobynyń" kóshirmesin qaıyrymdylyq aksıasy aıasynda ótken aýksıonda satty. Bul týraly Qamshy.kz aqparat agenttigi ıspanıalyq AS basylymynyń málimetine súıenip habarlaıdy.
Basylymnyń málimeti boıynsha, Ronaldý 2013 jyly jeńip alǵan "Altyn dobynyń" kóshirmesin 300 myń eýroǵa satqan. Ony Izraıldegi jáne álemdegi eń baı adamdardyń biri Idan Ofer satyp alǵan.
Bul saýdadan túsken qarjynyń barlyǵyn da portýgalıalyq shabýylshy aýyr dertke shaldyqqan balalarǵa kómektesetin Make-A-Wish qoryna aýdarǵan.
Eske salaıyq, 32 jastaǵy shabýylshy "Altyn dopty" úsh ret jeńip alǵan. Naqtylap aıtsaq, 2008, 2013 jáne 2015 jyldary álemniń úzdik fýtbolshysyna beriletin syılyqty ıelengen.
