Ertede Ál-Fýzaıl ıbn Iaz esimdi adam qaraqshylardyń basshysy bolǵan edi. Keıin, din jolyna túsip onyń Allaǵa mahabbat qoıǵany sonsha, ýaqyt óte ol Alla jaıynda kóp biletin tanymal ári iri ǵalymdardyń birine aınaldy.

Ál-Fýzaıl ıbn Iaz ózi týrasynda mynadaı áńgime aıtady: «Bir kúni men bir úıge urlyqqa tústim. Úıdiń ishinen bireýdiń: «Iman keltirgenderdiń júrekteri Allanyń zikirine (Quranǵa) jumsap jáne túsken aqıqatqa jibimeı me? Buryn ózderine Kitap berilip, sosyn uzyn merzim ótkendikten júrekteri qataıǵandar sıaqty bolmańdar. Olardyń kóbi buzaqylar», – dep Quran oqyp otyrǵan daýysyn esittim (Hadıd: 16).

Sonda meniń aıaqtarym siresip, turǵan jerde qatyp qalǵandaı bolyp, júre almaı qaldym. Munan soń men: –  Eı, Rabbym! Júregimniń Seni zikir etip qorqatyn kezi keldi. Allaǵa ant etemin! Osy kúnnen keıin saǵan kúná jasamaımyn – dep Allaǵa ýáde berdim».

Rasynda da, Ál-Fýzaıl ıbn Iaz munan soń din ilimine bas urdy. Túıin: Alla Taǵala kimdi týra jolǵa salsa, ony eshkim adastyra almaıdy. Alla Taǵala kimdi týra joldan adastyrsa, ony eshkim týra jolǵa sala almaıdy.

Jalǵas SADÝAHASULY