Men bir qarapaıym qazaq balasymyn. Ózgeler jańa jyldy jamyraı kútse, ózim Táýelsizdik kúnin solaı kútem. Jasyratyny joq byltyrda, onyń arǵy jylyda, táýelsizdik kúni keldi. Biraq baıqamaı qaldym. Bıyl endi janym qalmaı jantalasyp júrmin. Áne-mine degenshe, on altynshy jeltoqsannyń alǵashqy tańyda aǵaryp atty.

– Ýra! Táýelsizdik kúni keldi.

Úıde omalyp otyra almaı dalaǵa júgirip shyqtym, bári bir baıqalmaıdy. Qalany qyryq aınalyp shyqsam da, báride báz baıaǵysyndaı.

Táýelsizdiktiń on altynshy jeshtoqsanda kelgeni ras bolsa, nege bilinbeıdi deımin ishimnen. Sol kezde bir oı sap ete qaldy "Táýelsizdik kúni" mektepterge kelgen shyǵar, baldyrǵandar taqyldatyp taqpaqtarymen qarsy alyp jatqan bolýy kerek. Jaqyn mańdaǵy mektepterdiń birine jitı basyp jónep berdim.

İshke kirýden ımenip terezeden tesile qaradym. Munda da joq!? Táýelsizdik kúnin qarsyalmaq turmaq, muryndaryna ıside barmaǵan syńaıly. Eki-úsh apaı onshaqty kógen kózderdi tizip qoıyp, aıaz atasyna arnaǵan taqpaqtaryn jarysa jattatyp jatyr. Qursyn dedim, munda da "Táýelsizdik kúni" kelmegen boldy.

Úmitsiz sháıtan isi degen, bir kelse ortalyq konsert zalyna kelgen boldy. Jele aıańdap jáne jóneldim, endigi úmitim ortalyq konsert zalynda.

Ortalyq konsert zalynda ıne shanshar oryn joq, adamǵa lyq toly, aýzy – urynnan shyǵyp tur. Mine ǵajap, munda Táýelsizdik kúnin qarsy alyp toılap jatqan boldy. Biraq qansha bajaılap qarasamda qaıteıin

"Táýelsizdik kúni " kelgeni baıqalmaıdy.

Jurttyń bári basyna aıaz atasynyń qalpaǵyn kıip, ıegine saqalyn salyp julynyp tur. Sahnaǵa shyqqan ánshi de aıǵaıǵa basty.

– Alda kele jatqan jańa jyldaryńyzben! Jańajyl qutty bolsyn! – ary qaraı naqty estilmeıdi.

Salynym sýǵa ketip, súlkinim túsip turdym da qaldym. Turdymda taǵyda taǵat qylyp tura almaı ortalyq alańǵa qaraı ushtyrta jóneldim. Bir oıym táýelsizdik kúni munda bolmasa ,sonda shyǵar degen úmitpen. Eki ókpemdi qolyma alyp júgirgen kúıi jettim – aý áıteýir. Ortalyq alań óz ornynda jaǵalaı tizilgen sansyz shyrshalar shyraqtarmen shaǵylsyp jarqyrap tur. Shydamym shegine jetti aıǵaı saldym.

– Táýelsizdik kúni keldińbe qaıdasyń?

– Muuuuyyynnndaaamyyynn , – alystan úzilip – úzilip estildi bul daýys.

– Kelgen bolsań qaıdasyń kelgenińdi bildirshi? – dep aıǵaıladym.

–  Áı, qaraǵym – aı! – bul joly daýys jaqynnan shyqty.

Myna ,qalyń shyrshalaryńnyń arasynan adasyp júrmin, kóleńkesinen kórinbeı qaldym, – dep dál qasymdaǵy kóp shyrshanyń arasynan óńin buzyp ókpelep shyǵa keldi de, – Áı aınalaıyndar – aı! Ata – babalaryń kezinde meni ǵasyrlar boı qaıǵyra kútti ǵoı. Sondyqtan da qara qazaqtyń kóz jasyn kórip, dál osy kúni men keldim senderge, endi nege qalpaqtaryńdy aspanǵa ata qarsy almaısyńdar, - dedi.

– Renjimeńizshi endi, bir ashýyńyzdi berińiz, - Táýelsizdik kúnin kórip kózimen jas ytqyp ketti.

– Renjime, qalaı renjimeısiń, jylda kelem, jylda sol, jasandyryp qoıǵan jalǵan shyrshalaryńnyń arasymen adasyp kete baram. Ákimderiń qaıda? Kelgenimdi halqyna nege habarlamaıdy?!

– Bar ǵoı ol kisiler, qaıda barad deısiz,byraq bıik -bıik shyrshany tigip alyp, sonyń basyna shyǵyp, dúrbisin qolyna ilip, alystaǵy jańa jyldy qaısymyz buryn kóremiz dep túıeshe moıyndaryn sozyp otyrǵanda, sizdi sezbeı qalǵan ǵoı.

– Endeshe, keregim bolmasa ketem de qalam.

– Oıbaı, ketpeńizshi batyreke, – dep balaǵynan jata kep jabystym.

– Hanymyz bolmasada, halqymyz bar ,qarsy alar sizdi durystap, toılatar, súıtkenshe bolǵan joq, alańǵa álde qaıdan dombyrasyn qoltyqtap eki aqyn keldi, qalamyn qaırap tórt jýrnalıs keldi, egde tartqan eki jazýshy keldi, alpystan asqan alty tarıhshy keldi, qyryq temirdiń qylaýyndaı qurap -surap jetim qyzdyń toıyndaı Táýelsizdik kúnin qarsy alyp toılap jattyq.

Jumadil Jarqynbek