2014 jyly 10 jeltoqsan Qazaqstan Táýelsizdiginiń 23 jyldyǵy Beıjıńde toılandy, osyǵan oraı Qazaqstannyń Qytaıdaǵy elshiliginiń keńesshisi Marǵulan Kúzekbaev Qytaı halqaralyq radıosynyń tilshisine suqbat berdi.

– Qytaı eliniń astanasynda bolyp jatqan shara týraly toqtala ketseńiz.

– Búgin Qazaqstan Respýblıkasynyń QHR-daǵy elshiliginde Qazaqstan Táýelsizdiginiń 23 jyldyǵyn toılap jatyrmyz, Qazaqstan Táýelsizdik alǵannan beri qanshama qıyndyqtardy basynan ótkizdi, qazir ekonomıkasy damyp kele jatqan memleketterdiń birine aınalýda. Osy jerdegi elshiliktiń atqaryp jatqan jumystary óte úlken. Eki el arasyndaǵy ekonomıka, mádenıet, bilim salasy bolsyn ár salanyń ózine tán damýshylyqtary boldy.

– Qazirgi eki el arasyndaǵy kópir bolyp jalǵanyp jatqan Jibek joly týraly ne aıtasyz?

– QHR tóraǵasy Shıjınpıń 2013 jyly Qazaqstanǵa kelgende «Uly Jibek Joly» degen ıdeıany ortaǵa qoıdy, sol ıdeıa boıynsha Qazaqstan, Orta Azıa jánede basqa eldermen baılanys kún saıyn damýda. Ásirese Qazaqstan men Qytaı eliniń uly Jibek jolynyń jańa ekonomıkalyq beldeýi jospary keńinen damyp jatyr.

– Zaman damyp kele jatqan kezde, eki el arasyndaǵy dostyqtyń da tyń órege kóterilgenin baıqaı alamyz, eki el qarym-qatynasy týraly pikirińiz qalaı?

– Bul eki eldiń dostyǵy endi ǵana qalyptasqan dostyq emes, bul erteden, atam zamannan jalǵasyp kele jatqan dostyq, QHR tóraǵasy Shıjınpıń eki el aralastyǵy baılanys 3000 jyldyq tárıhqa ıe dep aıtyp ótti, osy 3000 jyldan beri jalǵasyp kele jatqan dıplomatıalyq qarym-qatynasy barysynda eki eldiń ózara túsinistigi, mádenıet almasýy tipti de joǵary belesterge kóterildi, bul damýshylyqtardy barlyǵymyz kórip otyrmyz, al endi budan keıingi jańa Qazaqstan men Qytaıdyń dostyǵyn sózben aıtyp jetkize almaımyn, osy dostyǵymyz kúsheıe bersin, arta bersin demekshimin.

Suqbattasqan: Nurdáýlet Bókeıhanuly(Pekın)