Jyl saıyn respýblıkalyq qoǵamdyq-saıası «Prezıdent jáne halyq» gazeti men «Ýaqyt Tańdaýy – Vybor Vremenı» Agenttiginiń birlesken jobasy boıynsha Táýelsizdik merekesi qarsańynda jyl tańdaýlylaryn aıqyndaý dástúrge aınalǵan.

Quramynda belgili tulǵalar, aqyndar men qaıratkerler bar ádilqazylar alqasynyń uıǵarymymen bıylǵy jyly tórt atalym boıynsha jeńimpazdar anyqtaldy. «Ýaqyt Tańdaýy» baıqaýynda «Jyldyń úzdik ákimi» ataǵyna Qyzylorda oblysynyń ákimi Qyrymbek Kósherbaev laıyq dep tanyldy. Al «Jyldyń úzdik óner ujymy» ataǵyn Qurmanǵazy atyndaǵy Qazaq memlekettik akademıalyq halyq aspaptary orkestri (dırektory – Nurǵısa Dáýeshov) jeńip aldy. Sondaı-aq «Jyldyń úzdik koleji» ataǵyna Baǵdashjan Moldasheva basqaratyn Hromtaý taý-ken tehnıkalyq koleji ıe boldy. QR Memekettik syılyǵynyń laýreaty, elimizde salystyrmaly pedagogıka ǵylymynyń negizin qalaýshy Asqarbek Qusaıynov «Jyldyń úzdik ǵalymy» atandy.

Uıymdastyrýshylardyń aıtýyna qaraǵanda, jeńimpazdardyń qaısysy da elimizdiń damýyna óz salalary boıynsha aıtýly úles qosyp kele jatqan ujymdar men tulǵalar.

Erlan BAPANOV