Memleket basshysy «Astana» halyqaralyq qarjy ortalyǵynyń basqarýshysy Qaırat Kelimbetovti qabyldady, dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.
Kezdesýde Elbasyǵa álemniń úzdik tájirıbelerin paıdalaný arqyly qurylyp jatqan halyqaralyq qarjy ortalyǵyn iske qosýǵa ázirlik jumystary jóninde málimdeldi.
Qazaqstan Prezıdentine 2018 jylǵy qańtarda ashylatyn «Astana» halyqaralyq qarjy ortalyǵynyń Táýelsiz soty men Halyqaralyq arbıtrajdyq ortalyqtyń normatıvtik qujattaryn daıyndaý jumysy aıaqtalǵany týraly baıandaldy.
Sondaı-aq, Qaırat Kelimbetov Nursultan Nazarbaevqa ortalyqty damytýdyń negizgi baǵyttary jóninde málimdep, «Astana» halyqaralyq qarjy ortalyǵynyń joǵary tehnologıalyq bırjasyn qurý barysy týraly aıtty.
«Astana» halyqaralyq qarjy ortalyǵynyń basqarýshysy qazirgi ýaqytta Shanhaı qor bırjasymen jáne Nasdaq Inc. kompanıasymen qarjy ortalyǵyn odan ári qalyptastyrýǵa jáne damytýǵa septigin tıgizetin kelisimderge qol qoıylǵanyn atap ótti.
Elbasy usynylǵan esepti nazarǵa alyp, birqatar naqty tapsyrma berdi.
