Qyrǵyzstan prezıdenttigine úmitker Ómirbek Babanov pres-konferensıa barysynda saılaý prosesinde bolǵan jaǵdaıdyń bárin ótkenniń enshisine qaldyrý kerektigin aıtty, dep jazady Qamshy.kz aqparat agenttigi.

16 qazanda ol ótken saılaý týrasynda ýaqytty 2 kezeńge bóletinin málimdedi.

«Menińshe saılaý ýaqyty jáne saılaýdan keıingi ýaqyt bolady. Saılaý prosesindegi bolǵan jaǵdaılar jabýly qazaq núıinde sol jerde qalý kerek. Parlamenttik saılaýda bizdiń partıa ekinshi oryndy ıemdendi, prezıdenttik saılaýda ekinshi orynnan turdym», – dedi Babanov.

Sonymen qatar óziniń basty qarsylasy Sooranbaı Jeenbekovti jeńisimen áli de quttyqtamaǵanyn aıtty. Saıasatkerdiń aıtýynsha, oǵan habarlasyp, quttyqtaı salý ońaı, alaıda komandasymen saılaý qorytyndysy boıynsha jumystar atqarý kerek ekendigin eskertti.

Sondaı-aq jaqyn ýaqytta elden ketý jaıyn josparlamaıdy. Búginde komandany jınap, qyzý jumysqa kirisý kerek deıdi.

Babanovtyń áıeli de saılaýdan keıin erine qoldaý kórsetken kórinedi. Babanovtyń aıtýynsha, áıeli dál osyndaı nátıje kútpegen. Soǵan qaramastan kúıeýine degen senimi azaıa qoımady.

«Báriniń bitkeni jaqsy boldy. Sen myqtysyń, qolyńnan bári keledi», - dedi áıeli saılaý nátıjesinen keıin.

Aıta keteıik, 15 qazanda Qyrǵyzstan halqy eldiń jańa basshysyn saılady. Saılaý qorytyndysy boıynsha, saılaýshylardyń 54,81 paıyzyn jınaǵan Sooronbaı Jeenbekov jeńiske jetti. 33,74 paıyz daýys jınaǵan Ómirbek Babanov ekinshi orynnan kórindi.