Atambaev premer-mınıstr bolý arqyly bılikke qaıta kelý týraly jospardy joqqa shyǵardy. Konstıtýsıalyq reformalar aıaqtalǵannan keıin el prezıdentiniń quzireti azaıyp, kerisinshe premerdiń quzireti artady. Bul onyń bılikti óz qolynda ustap qalatyn eldiń kóleńkeli lıderi bolady degen joramaldar jasaýǵa sebep boldy.
Taǵy bir shyndyqqa sáıkes keletin nusqa - "rýhanı kóshbasshy", Atambaev ózin álemge qyrǵyz revolúsıasy men Orta Azıalyq demokratıanyń ar-uıaty, memleket múddesin qorǵaıtyn shyndyqtyń jarshysy retinde kórsetkisi kelýi de ábden múmkin. Ony "rýhanı kóshbasshy" dep ataý qıyn, árıne.
Endi bir nusqada ol Pýtın prezıdenttik etken kezde qor ashyp alǵan Elsınniń kebin kıýi yqtımal. 2007 jylǵa deıin ol demokratıalyq dástúrler boıynsha Reseıdiń baǵyty durys pa degen synaıda pikirler aıtyp qana júrgen bolatyn.
Atambaev tym áýestenip ketse, óz aınalasymen bir ymyraǵa kelýi tıis jańa prezıdent úshin bas qaıǵyǵa aınalatyny sózsiz. Biraq, Ortalyq Azıa úshin bir saıası júıe aıasynda burynǵy jáne jańa prezıdentterdiń ózara yqpaldastyq tájirıbesi qundy bolmaq.
Asqar Nursha,
QR Tuńǵysh Prezıdenti - Elbasy qory janyndaǵy Álemdik ekonomıka jáne saıasat ınstıtýtynyń sarapshysy
