Qyrǵyzstan bıligi Qazaqstanmen shekaradaǵy jaǵdaı týrasynda Dúnıejúzilik saýda uıymyna shaǵym túsirdi, dep jazady Qamshy.kz aqparat agenttigi.

 «Búgin, 17 qazanda Qyrǵyz Respýblıkasynyń bıligi Dúnıejúzilik saýda uıymynyń hatshylyǵyna qyrǵyz-qazaq memelekettik shekarasynda oryn alǵan jaǵdaıǵa baılanysty resmı shaǵym túsirdi.

Shaǵymnyń negizi Qazaqstan Respýblıkasynyń tarıfter men saýda týraly kelisimniń negizgi normalaryn jáne Dúnıejúzilik saýda uıymyn qurý týraly kelisimdi buzýy boldy», - delingen habarlamada.

Aıta keteıik, 10 qazanda qazaq-qyrǵyz shekarasynda fıtosanıtarlyq jáne veterınarlyq baqylaý kúsheıtildi, Qyrǵyzstannyń bes sút óńdeý zaýytynyń ónimderin jetkizýge tyıym salyndy.

11 qazanda Qazaqstan UQK shekaradaǵy jaǵdaıdy «josparly operasıa» dep túsindirgen. Bul operasıanyń maqsaty – shekaralas aýmaqta zańsyz áreketterdi boldyrmaý, kontrabanda jáne basqa da qylmystyq árekettermen aınalysatyn adamdardy anyqtaý, shekaralyq rejım men kóshi-qon zańnamasynyń saqtalýyn baqylaý», dep habarlaǵan edi UQK shekara qyzmetinde.