Bangladeshte ornalasqan eń iri lager Kýtýpalondaǵy Radjýma atty rohındjalyq bosqyn óz ómirindegi eń sumdyq jaıtty jylap, baıandap berdi, — dep habarlaıdy Qamshy.kz aqparat agenttigi islamnews.ru saıtyna silteme jasaı otyryp.

Radjýmanyń aıtýy boıynsha, osydan biraz ýaqyt buryn Rakhaın shtatyndaǵy ózi týyp ósken Týla Týlı aýylynda birneshe ásker kelgen.

«Meniń qolymda kishkentaı sábıim bolǵan. Meni álgi sarbazdar urǵan kezde, sábıimdi jerge qulatyp aldym. Birneshe mınýttan keıin esimdi jısam, olar meniń balamdy da uryp-soǵyp jatqanyn estidim», — dedi Radjýma Al-Jazeera telekanalynyń tilshisimen suhbat barysynda.

Kishkentaı 6 aılyq sábıdiń esimi Sadık. Rohındja musylmandary mekendegen aýylǵa shabýyldaǵan áskerler Sadıkti anasynyń kózinshe otqa tastaı salǵan. Keıin birneshe sarbaz Radjýmany zorlady.

«Sol sát meniń áli kúnge deıin kóz aldymda», — dedi áıel kóz jasyn tyıa almaı. Osy oqıǵadan keıin Radjýma bir ýaqytta anasy, ápkesi jáne inisinen  aıyrylǵan.